Əhməd Əhmədzadə (dövlət xadimi)

Əhməd Əhmədzadə
Əhmədzadə Əhməd Cuma oglu
Əhməd Əhmədzadə
Azərbaycan Meliorasiya və Su Təsərrüfatı Açıq Səhmdar Cəmiyyətinin Sədri 2006
Kənd Təsərrüfatı Nazirinin birinci müavini, Kənd Təsərrüfatı Nazirliyi yanında Dövlət Meliorasiya və Su Təsərrüfatı Agentliyinin baş direktoru 2004 — 2006
Azərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin sədri 1993 — 2004
Quba rayonu İcra Hakimiyyətinin başçısı 1991 — 1992
Şəki rayonu Xalq Deputatları Sovetinin sədri, Şəki şəhər Partiya Komitəsinin birinci katibi 1991 — 1991
Şamxor (Şəmkir) rayon Partiya Komitəsinin birinci katibi 1987 — 1991
Sələfi	Əjdər Əsədov
Füzuli rayon Partiya Komitəsinin birinci katibi 1980 — 1987
Xələfi	Cavanşir Məmmədov
Abşeron rayonu Xalq Deputatları Soveti İcraiyyə Komitəsinin sədri 1978 — 1980
Qax Suvarma Sistemləri İdarəsində böyük mühəndis, idarənin rəisi 1967 — 1975
Şəxsi məlumatlar
Doğum tarixi	7 yanvar 1945 (1945-01-07)
Doğum yeri	Qaxmuğal, Qax rayonu, Azərbaycan SSR, SSRİ
Atası	Cuma Əhmədzadə
Partiya	Sov.İKP
Təhsili	Azərbaycan Politexnik İnstitutu
Təltifləri

Əhməd Əhmədzadə — Azərbaycan Respublikası Meliorasiya və Su Təsərrüfatı Açıq Səhmdar Cəmiyyətinin sədri

Həyatı

1945-ci ildə Qax rayonunun Qaxmuğal kəndində anadan olmuşdur. 1961-çi ildə 1 Nomrəli orta məktəbi və 1966-cı ildə Azərbaycan Politexnik İnstitutunu bitirərək mühəndis-hidrotexnik ixtisasına yiyələnmişdir.

Əmək fəaliyyətinə 1961-ci ildə 11 saylı Bakı şəhər Tikinti İdarəsində fəhlə kimi başlamış, 1966- cı ildə Azərbaycan Elmi-Tədqiqat Hidrotexnika və Meliorasiya İnstitutu nda böyük mühəndis, 1967 - 1975-ci illərdə Qax Suvarma Sistemləri İdarəsində böyük mühəndis, idarənin rəisi vəzifələrində işləmişdir. 1975 - 1976-cı illərdə Qax rayonu Xalq Deputatları Soveti İcraiyyə Komitəsinin sədri olmuş, 1976 - 1978-ci illərdə keçmiş Sov.İKP yanında İctimai Elmlər Akademiyasında ali partiya- siyasi təhsili almış, 1978 - 1980-ci illərdə Abşeron rayonu Xalq Deputatları Soveti İcraiyyə Komitəsinin sədri, 1980 - 1987-ci illərdə Azərbaycan KP Füzuli rayon komitəsinin birinci katibi, 1987- 1991-ci illərdə Şəmkir rayon komitəsinin birinci katibi, 1991-ci ildə Şəki şəhər komitəsinin birinci katibi, Şəki rayonu Xalq Deputatları Sovetinin sədri, 1991 - 1992-ci illərdə Quba rayonu İcra Hakimiyyətinin başçısı vəzifələrində işləmişdir.

1981- 1995-cı illərdə Azərbaycan SS% Ali Sovetinin və Azərbaycan Respublikası Ali Sovetinin deputatı seçilmişdir. 1993-2004-cü illərdə Azərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin sədri, 2004 - 2006-cı illərdə Kənd Təsərrüfatı Nazirinin birinci müavini,Kənd Təsərrüfatı Nazirliyi yanında Dövlət Meliorasiya və Su Təsərrüfatı Agentliyinin baş direktoru, 2006-cı ildən Azərbaycan Meliorasiya və Su Təsərrüfatı Açıq Səhmdar Cəmiyyəti nin Sədridir. Respublika Dövlət Aqrar İslahatı Komissiyasının üzvü, Fövqəladə Hallar üzrə Dövlət Komissiyasının sədr müavini olmuşdur. Azərbaycan Respublikasının orden və medalları, Azərbaycan Respublikası Ali Soveti Rəyasət Heyətinin Fəxri Fərmanı ilə təltif olunub, respublikanın meliorasiya və su təsərrüfatının inkişafı sahəsindəki xidmətlərinə görə 2015-ci ildə Azərbaycan Respublikası Prezidentinin Sərəncamı ilə "Şöhrət" ordeni, "Əməkdar mühəndis" fəxri adına, 2019-cu ildə Azərbaycan Xalq Cümhuriyyətinin 100 illiyi münasibətilə "Cümhuriyyət medalı"na və 2020-ci ildə meliorasiya və su təsərrüfatı sahəsində uzunmüddətli səmərəli fəaliyyətinə görə 1-ci dərəcəli "Əmək" ordeninə layiq görülüb.

Ailəlidir, üç övladı var.

• Mübariz Əhmədzadənin qardaşıdır.

Xarici keçidlər

• Meliorasiya və su təsərrüfatı Açıq Səhmdar Cəmiyyətinin rəsmi saytı