Məmmədnuru Yusifov

Məmmədnuru Yusifov
Yusifov Məmmədnuru Şakir oğlu
Məmmədnuru Yusifov, 1984-cü il
Anadan olub	2 fevral 1944(1944-02-02)
Anadan olduğu yer	Nuxa, Nuxa rayonu, Azərbaycan SSR, SSRİ
Vəfat edib	13 iyun 2013 (69 yaşında)
Vəfat etdiyi yer	Şəki, Azərbaycan
Dəfn yeri	Şəki
Uşaqları	Aydın, Cavanşir, Eldəniz, Şahin
Atası	Şakir Yusifov
Vətəndaşlıq	SSRİ→ Azərbaycan
Milliyyəti	azərbaycanlı
İxtisası	tarixçi-pedaqoq, tarix və ictimaiyyət müəllimi
Təhsili	S.M.Kirov adına Azərbaycan Dövlət Universiteti, tarix fakültəsi (1963 – 1967)
Mükafatları

Məmmədnuru Yusifov (Yusifov Məmmədnuru Şakir oğlu; d. 2 fevral 1944-cü ildə, Nuxa, Nuxa rayonu, Azərbaycan SSR, SSRİ – ö. 13 iyun 2013-cü ildə, Şəki, Azərbaycan Respublikası) – pedaqoq, dövlət məmuru, sovet partiya və komsomol orqanları işçisi; Azərbaycan LKGİ Şəki Şəhər Komitəsinin birinci katibi (1972 – 1976), Şəki şəhər Xalq Maarif Şöbəsinin müdiri (1982 – 1986), Şəki rayon Xalq Maarif Şöbəsinin müdiri (1986 – 1992), Şəki şəhər Təhsil Şöbəsinin müdiri (1993 – 2005) və s. məsul vəzifələrdə işləyib.

Haqqında məlumatlar

2 fevral 1944-cü il tarixdə Nuxada anadan olub.

Təhsili

Nuxa şəhər 16 №-li ibtidai, 11 №-li orta və 1 №-li fəhlə-gənclər məktəblərində oxuyub.

1963 – 1967-ci illərdə S.M.Kirov adına Azərbaycan Dövlət Universitetinin tarix fakültəsində təhsil alıb.

Əmək fəaliyyəti

1960 – 1963-cü illərdə Nuxa İpək Kombinatında fəhlə işləyib.

1967 – 1971-ci illərdə Balakən Politexnik Texnikumunda və Balakəndəki Nizami adına orta məktəbdə tarix-ictimaiyyət müəllimi,

1970 – 1972-ci illərdə “Bilik” Cəmiyyəti Balakən rayon təşkilatının məsul katibi,

1972-ci ilin mart ayından noyabr ayınadək Azərbaycan KP Balakən Rayon Komitəsi Siyasi Maarif kabinetinin müdiri vəzifəsində çalışıb.

1972 – 1976-cı illərdə Azərbaycan LKGİ Şəki Şəhər Komitəsinin birinci katibi,

1976 – 1977-ci illərdə Şəki şəhər 20 №-li orta məktəbdə tərbiyə işləri üzrə direktor müavini,

1977 – 1982-ci illərdə M.Qorki adına Şəki şəhər 10 №-li orta məktəbin direktoru olub.

1982 – 1986-cı illərdə Şəki şəhər Xalq Maarif Şöbəsinin,

1986 – 1992-ci illərdə Şəki rayon Xalq Maarif Şöbəsinin,

1993 – 2005-ci illərdə Şəki şəhər Təhsil Şöbəsinin müdiri vəzifəsində çalışıb.

2006-cı ilin yanvar ayından əmək təqaüdünə çıxıb.

Vəfatı

2013-cü ildə Şəkidə vəfat edib.

İctimai fəaliyyyəti

• Müxtəlif illərdə Nuxa/Şəki rayonlarının Xalq Deputatları Sovetlərinin deputatı və İcraiyyə Komitəsinin üzvü seçilib.
• 1993-cü ildən Yeni Azərbaycan Partiyasının və YAP Şəki təşkilatı Siyasi Şurasının üzvü olub.

Mükafatları

• ÜİLKGİ MK-nın, Azərbaycan LKGİ MK-nın, Azərbaycan SSR Maarif nazirliyinin fəxri fərmanları;
• “Tərəqqi” medalı (2005)

Ailəsi

• Həyat yoldaşı: Yusifova Rəfiqə Mikayıl qızı (d. 1948 – ö. 2019).
• Övladları: Aydın, Cavanşir, Eldəniz, Şahin.