Vüqar İskəndərov

Vüqar İskəndərov
Vüqar Yapon oğlu İskəndərov
Vüqar İskəndərov
Vüqar İskəndərov.
Anadan olub	30 dekabr 1972 (1972-12-30)
Anadan olduğu yer	Şəki, Şəki rayonu, Azərbaycan SSR, SSRİ
Vətəndaşlıq	SSRİ→ Azərbaycan
Təhsili	Laqodexi Elmi Tədris İnstitutu, hüquq fakültəsi (Gürcüstan Respublikası, 1996 – 2001) Azərbaycan Dövlət Aqrar Universiteti, iqtisadiyyat fakültəsi (2012 – 2014)
Mükafatları

Vüqar İskəndərov — Azərbaycan Respublikası Milli Məclisinin deputatı (2020-ci ildən), Şəki şəhər Gənclər və İdman İdarəsinin rəisi (2005-ci ildən), Şotokan karate-do üzrə Avropa çempionatının mükafatçısı (I-yer, 2003).

Haqqında məlumatlar

30 dekabr 1972-ci il tarixdə Şəkidə anadan olub.

Təhsili

1979 – 1989-cu illərdə Şəki şəhər 17 №-li orta məktəbdə,

1996 – 2001-ci illərdə Laqodexi Elmi Tədris İnstitutunun (Gürcüstan Respublikası) hüquq fakültəsində,

2012 – 2014-cü illərdə isə Azərbaycan Dövlət Aqrar Universitetinin iqtisadiyyat fakültəsində təhsil alıb.

Hərbi xidmətdə

1991-1992-ci illərdə Sovet ordusunda hərbi xidmətdə olmuşdur.

Əmək fəaliyyəti

1993 – 1995-ci illərdə “Məsul” İdman Cəmiyyətinnin Şəki şöbəsində karate-do üzrə məşqçi-müəllim,

1995 – 1998-ci illərdə “Müstəqil Nəqliyyat Birliyi”ndə texniki təhlükəsizlik üzrə mühəndis,

1998 – 1999-cu illərdə Şəki 62 nömrəli Təmir-tikinti idarəsində iqtisadçı,

1999 – 2000-ci illərdə Şəki rayon Kooperativlər İttifaqında hüquqşünas,

2001 – 2005-ci illərdə 26 Şəki Mərkəzi Rayon Xəstəxanasının BUX-da hüquq məsləhətçisi vəzifəsində işləyib.

2005-ci ilin 29 dekabr tarixindən Şəki şəhər Gənclər və İdman İdarəsinin rəisidir.

İcrimai-siyasi fəaliyyəti

Yeni Azərbaycan Partiyasının Şəki Təşkilatı sədrinin müavini,

Şəki şəhər İcra Hakimiyyəti başçısı yanında şuranın üzvüdür.

2010 – 2015 ci illərdə Şəki Pedaqoji Kollecin Dövlət İmtahan Komissiyasının sədri olub.

2020-ci ildə VI çağırış Azərbaycan Respublikası Milli Məclisinin deputatı seçilib.

Təltif və medalları

• Gənclər və İdman Nazirliyinin və Şəki şəhər İcra Hakimiyyəti başçısının fəxri fərmanları;
• “Dövlət qulluğunda fərqlənməyə görə” medalı (2019);
• “Azərbaycan Sərhəd Mühafizəsinin 100 illiyi (1919-2019)” yubiley medalı,

İdman fəaliyyəti

1990-cı ildən taekvando şərq döyüş növü ilə, 1992-ci ildən isə karate-do döyüş növü ilə məşğul olub.

2001-ci ildə isə Azərbaycan Taekvando Federasiyasının şimal-qərb regionunun sədri vəzifəsinə,

1995-ci ildə isə Azərbaycan karate-do Federasiyasının Assosiasiyasının şimal-qərb regionun sədri vəzifəsinə təyin edilib.

1995-ci ildən Azərbaycan karate-do üzrə yığma komandasının üzvü olub.

2001-ci ildə respublika rayonları arasında ilk dəfə olaraq şərq döyüşü növləri üzrə xüsusi məktəb yaratmışdır. Məktəbin 20-dən çox yetirməsi beynəlxalq dərəcəli qara kəmər ustalıq normasını ödəmiş, 30-dan çox tələbə isə beynəlxalq respublika turnir və çempionatlarının qalibləri və mükafatçıları olmuşlar.

İdman uğurları

• 1991-ci il, Taekvando döyüş növü üzrə respublika turniri, II-yer;
• 1994-cü i, Taekvando döyüş növü üzrə respublika turniri, I-yer;
• 1996-cı il, Taekvando döyüş növü üzrə respublika turniri, III-yer;
• 2003-cü il, Şotokan karate-do üzrə Avropa çempionatı, I-yer;
• “Azərbaycan Respublikasının əməkdar məşqçisi” adı

Ailəsi

Ailəlidir. 2 övladı var.