Ənisə Xəlifəzadə

Ənisə Xəlifəzadə
Xəlifəzadə Ənisə Müzəffər qızı
Ənisə Xəlifəzadə.
Doğum tarixi	25 iyul 1932(1932-07-25)
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	12 avqust 2016 (84 yaşında)
Vəfat yeri	Bakı, Azərbaycan
Dəfn yeri	Bakı
Vətəndaşlıq	SSRİ→ Azərbaycan
Təhsili	S.M.Kirov adına Azərbaycan Dövlət Universiteti, geoloji-coğrafiya fakültəsi, geologiya bölməsi (1951 – 1956)

Ənisə Xəlifəzadə (1932 – 2016) — tanınmış geoloq, Azərbaycan SSR Nazirlər Soveti yanında Geologiya İdarəsinin aparıcı elmi işçisi.

Haqqında məlumatlar

25 iyul 1932-ci il tarixdə Nuxada (indiki Şəki) anadan olub.

Təhsili

Orta məktəbi Nuxada bitirib.

1951 – 1956-cı illərdə S.M.Kirov adına Azərbaycan Dövlət Universitetinin geoloji-coğrafiya fakültəsinin geologiya bölməsində təhsil alıb.

Əmək fəaliyyəti

1956-cı ildə Dağıstan hidrogeoloji partiyasında hidrogeoloq işləyib.

1956 – 1985-ci illərdə Azərbaycan SSR Nazirlər Soveti yanında Geologiya İdarəsində çalışıb, o cümlədən,

1957-ci ildə Dağlıq Qarabağ Mehman geoloji partiyasında hidrogeoloq,

1958 – 1979-cu illərdə hidrogeoloji partiyanın Şirvan sahəsində aparıcı hidrogeoloq,

1980 – 1985-ci illərdə Alazan – Əyriçay sahəsində aparıcı hidrogeoloq olub.

1985-ci ildə əmək təqaüdünə çıxıb.

Vəfatı

12 avqust 2016-cı il tarixdə – 84 yaşında, Bakıda vəfat edib. Bakıda dəfn olunub.

Ailəsi

Həyat yoldaşı Nemət Əhmədov da geoloq idi, iki qızları olub.