Fərrux Həmidzadə

Fərrux Həmidzadə
Həmidzadə Fərrux Yunus oğlu
Fərrux Həmidzadə.
Anadan olub	1913(1913-Şablondakı doğum və ya ölüm tarixində texniki yanlışlıq var!-00)
Anadan olduğu yer	Nuxa, Nuxa qəzası, Yelizavetpol quberniyası, Rusiya İmperiyası
Vəfat edib	1 may 1974 (61 yaşında)
Vəfat etdiyi yer	Şəki, Azərbaycan SSR, SSRİ
Uşaqları	Dinar, Şəfəq
Atası	Yunus
Anası	Xatın
Təhsili	Nuxa Kənd Təsərrüfatı Texnikumunu Azərbaycan Tibb İnstitutu, müalicə-profilaktika fakültəsi (1932–1937)
Mükafatları

Fərrux Həmidzadə (1913–1974) — tanınmış həkim-cərrah, Böyük Vətən müharibəsi iştirakçısı, tibb-polkovniki, Azərbaycan SSR əməkdar həkimi, Şəki Mərkəzi Rayon Xəstəxanasının baş həkimi.

Haqqında məlumatlar

1913-cü ildə Nuxada, fəhlə ailəsində anadan olub.

Təhsili

Nuxada yeddillik məktəbi və

Nuxa Kənd Təsərrüfatı Texnikumunu bitirib.

1932 – 1937-ci illərdə Azərbaycan Tibb İnstitutunun müalicə-profilaktika fakültəsində təhsil alıb.

Əmək fəaliyyəti

Şəki Mərkəzi Rayon Xəstəxanasının həkim və feldşerləri xəstəxananın baş həkimi Fərrux Həmidzadənin kabinetində (soldan: Samiyə Ocaqova, Vəhyəddin Səlimov, Gülü İlyasov (feldşer, ayaq üstə), Əsəd Məmmədov, Cabbar, Rövşən (feldşer), Adilə, Nəsib Əbdürrəhmanov, Fərrux Həmidzadə (baş həkim), Cavahir Abbasova, Sabir Həmidov), 1973-cü il.

Nuxa Kənd Təsərrüfatı Texnikumunu bitirdikdən sonra 1932-ci ilədək Nuxa rayonunun Baş Zəyzid kəndində aqronom,

1937 – 1941-ci illərdə əvvəl bir müddət Gədəbəy rayon xəstəxanasında, sonra isə Qax rayon xəstəxanasında baş həkim,

1945 – 1948-ci illərdə Nuxa şəhər mərkəzi xəstəxanasında cərrah,

1948 – 1963-cü illərdə Nuxa rayon səhiyyə şöbəsinin müdiri,

1963 – 1968-ci illərdə Nuxa şəhər sanitar xəstəxanasının,

1968 – 1974-cü illərdə Şəki Mərkəzi Rayon Xəstəxanasının baş həkimi vəzifəsində çalışıb.

Hərbi xidmətdə

Böyük Vətən müharibəsinin (1941 – 1945) iştirakçısıdır. 1945-ci ildə polkovnik rütbəsi ildə ordudan tərxis olunub.

Təltif və mükafatları

• SSRİ Ali Baş Komandanın təşəkkürü (5 dəfə) və sovet orden medalları – Böyük Vətən müharibəsində göstərdiyi şücaətlərə görə;
• “Azərbaycan SSR əməkdar həkimi” fəxri adı;
• “Səhiyyə əlaçısı” döş nişanı.

İctimai-siyasi fəaliyyəti

1957-ci ildə Nuxa Rayon Sovetinin deputatı seçilib.

Vəfatı

1 may 1974-cü il tarixdə – 61 yaşında, Şəkidə vəfat edib.

Ailəsi

Evladları: Dinar – anestezioloq-reanimatoloq, Şəfəq – göz həkimi.

Ədəbiyyat

1. Mete Ə. Doktor Həmidzadə // O torpağın övladları. — Bakı: Nurlan, 2006. — Səhifələrin sayı:  608. — Səh.: 342 – 343. — 500 nüsx.
2. Əsədov Q. (2016). "ŞƏKİNİN SƏHİYYƏ TARİXİ - (II hissə)". www.municipality.shaki.info (azərb.). “Şəki bələdiyyəsi” qəzeti. 3 Nov 2020 tarixində arxivləşdirilib.
3. Əsədov Q. (2016). "ŞƏKİNİN SƏHİYYƏ TARİXİ - (III hissə)". www.municipality.shaki.info (azərb.). “Şəki bələdiyyəsi” qəzeti. 3 Nov 2020 tarixində arxivləşdirilib.