Tural Möyüfov

Tural Möyüfov
Möyüfov Tural Namiq oğlu
Tural Möyüfov
Tural Möyüfov, 2015-ci il
Doğum tarixi	15 dekabr 1991 (1991-12-15)
Doğum yeri	Kiş, Şəki rayonu, Azərbaycan
Vətəndaşlığı	Azərbaycan
Təhsili	Azərbbaycan Dövlət Rəssamlıq Akademiyası, təsviri sənət fakültəsi (2009 – 2013)

Tural Möyüfov (Möyüfov Tural Namiq oğlu; d.  15 dekabr 1991-ci il, Kiş, Şəki rayonu, Azərbaycan Respublikası) – ali təhsilli rəssam, Azərbaycan Rəssamlar İttifaqının üzvü.

Haqqında məlumatlar

1991-ci ildə Şəki rayonunun Kiş kəndində anadan olub.

1998 – 2009-cu illərdə Kiş kəndindəki 1 saylı orta məktəbdə təhsil alıb.

2004 – 2009-cu illərdə Fuad Abdurəhmanov adına Şəki Şəhər 1 saylı Uşaq İncəsənət Məktəbində rəssamlığın sirlərini öyrənib.

2009 – 2013-cü illərdə Azərbbaycan Dövlət Rəssamlıq Akademiyasının təsviri sənət fakültəsində təhsil alıb.

2014 – 2015-ci illərdə hərbi xidmət borcunu yerinə yetirib.

2015-ci ildə qısa müddət Şəki Dram Teatrında fəaliyyət göstərib; “Oğru” tamaşasının (2015) quruluşçu rəssamı olub. Daha sonra 2017-ci ildə “Xənnas” filminin rəssamı olub.

Azərbaycan Dövlət Rəssamlıq Akademiyasında tədris ustası vəzifəsində çalışıb.

Bir sıra yerli və beynəlxalq sərgi və simpoziumlarda iştirak edib.

Azərbaycan Rəssamlar İttifaqının üzvüdür.

Ailəlidir.

İştirak etdiyi sərgilər

• “Gənclər” (2013,2019);
• VI Beynəlxalq Tullantıdan Sənətə simpozium (Bakı 2017);
• İACEA HANRYU ART ( Koreya 2018);
• “Qrafika” (2019);
• Beynəlxalq Ostraka Biennalı ( Misir 2019);
• “31 Mart Azrbaycanlıların Soyqrımı Günü” (2019);
• VI Beynəlxalq İpək Yolu İncəsənət Festivalı (Çin 2019);
• Yaxın Doğu Universiteti Kipr Müasir İncəsənət Muzeyi simpozium və sərgisi (2019);