Nuxa Dövlət Dram Teatrı

Nuxa Dövlət Dram Teatrı
Sabir adına Azərbaycan Dövlət Dramatik Teatrı kimi
Əsası qoyulub	1933
Bağlanıb	1949
Teatr binası
Ünvan	Nuxa, Lenin küçəsi
Tikilib	1902

Sabir adına Nuxa Dövlət Dram Teatrı (Sabir adına Azərbaycan Dövlət Dramatik Teatrı) — 1933 – 1949-cu illər arasında Nuxada (indiki Şəkidə) fəaliyyət göstərmiş dram teatrı.

Tarixi

Nuxa Dövlət Dram Teatrı 1933-cü ildə Nuxada – 4275 kv m² sahəsi olan 1902-ci ildə inşa edilmiş ikimərtəbəli binada fəaliyyətə başlamışdır.

31 mart 1939-сu il tarixdə SSRİ Xalq Komissarları Soveti yanında İncəsənət İşləri Komitəsini tərəfindən “Sabir adına Azərbaycan Dövlət Dramatik Teatrı” adı ilə pasportlaşdırılıb.

1948-ci ilin mart ayında Azərbaycan SSR İncəsənət İşləri Komitəsinin göstərişinə əsasən teatrın 18 nəfər işçisi ixtisara salınaraq işdən azad edilib.

1949-cu ildən isə teatrın fəaliyyəti tamamilə dayandırılıb.

Direktorları

• Məmmədsani Məmmədov (dekabr, 1937-ci il – iyul, 1938-ci il tarixləri arasında);
• Məmmədkəbir Hacıoğlu (1941-ci ilin avqust ayından);
• Məmmədiyyə Cabbarov (1948-ci ilin avqust ayından).

Ədəbiyyat

1. Adışirinov K.F. XX əsrin əvvəllərində Şəki Teatrının ədəbi - mədəni mühitin inkişafına təsiri (azərb.) // Sumqayıt Dövlət Universiteti : “Elmi Xəbərlər” jurnalı. — Sumqayıt, 2018. — В. Sosial və humanitar elmlər bölməsi. —14  c. — № 3. — Səh. 21 – 24. — ISSN 1680-1245. Arxivləşdirilib; arxivləşdirmə tarixi: 26 aprel 2021.