Əhməd Əbdürrəhmanov

Əhməd Əbdürəhmanlı
Əbdürəhmanlı Əhməd İsa oğlu
Əhməd Əbdürəhmanlı.
Doğum tarixi	1906(1906-Şablondakı doğum və ya ölüm tarixində texniki yanlışlıq var!-00)
Doğum yeri	Nuxa (indiki Şəki), Yelizavetpol quberniyası, Rusiya İmperiyası
Vəfat tarixi	21 fevral 1946 (40 yaşında)
Vəfat yeri	Nuxa, Azərbaycan SSR, SSRİ
Uşaqları	Yusif və Hıkmət Abdurrahmanovlar, Vəzifə Əbdürəhmanova, Lətlfə və Qəribə
Təhsili	Azərbaycan Ali Pedaqoji İnstitutu, riyaziyyat fakültəsi (1923–1927)

Əhməd Əbdürəhmanlı (1906–1946) — sovet dövründə Şəkidə tanınmış pedaqoq, sovet və partiya işçisi və rəhbər kadr olmuş şəxs. Müxtəlif illərdə Stalin adına Nuxa Pedaqoji Məktəbinin direktoru, Nuxa rayon Zəhmətkeş Deputatlar Soveti İcraiyyə Komitəsinin sədri, Azərbaycan KP Nuxa Şəhər Komitəsinin birinci katibi vəzifəsində çalışmışdır.

Haqqında məlumatlar

1906-cı ildə Nuxada, fəhlə ailəsində anadan olub.

Təhsili

1913 – 1923-cü ilərdə Nuxa şəhər 2 saylı məktəbində,

1923 – 1927-ci illərdə isə Azərbaycan Ali Pedaqoji İnstitutunun riyaziyyat fakültəsində təhsil alıb.

Əmək fəaliyyəti

1929 – 1938-ci illərdə Stalin adına Nuxa Pedaqoji Məktəbində müəllim işləyib.

2 yanvar 1938-ci il tarixdə Azərbaycan SSR Xalq Maarif Komissarlığının 7 saylı əmri ilə Nuxa Stalin adına Pedaqoji Texnikumu və onun ətraf təsərrüfatına müvəqqəti olaraq direktor təyin edilib.

17 yanvar 1939-cu il tarixdə Azərbaycan SSR Xalq Maarif Komissarı T.Hacıyevin əmrinə əsasən Stalin adına Nuxa Pedaqoji Texnikumunun və Kirov adına pedrabfaktın direktoru vəzifələrində saxlanılıb.

16 avqust 1939-cu il tarixdə Azərbaycan SSR Xalq Maarif Komissarlığının 3573 №-li əmrinə əsasən başqa işə keçirilməsi ilə əlaqədar vəzifəsindən azad edilib.

5 yanvar 1940-cı il il tarixdə Nuxa şəhər zəhmətkeş deputatları Sovetinin birinci sesiyasında Nuxa şəhər soveti icraiyyə komitəsinin sədri seçilib. Sonralar bir müddət Azərbaycan K(b)P Nuxa Şəhər Komitəsinin birinci katibi vəzifəsində də çalışıb.

Vəfatı

21 fevral 1946-cı il tarixdə – 40 yaşında, vəfat edib.

Ədəbiyyat

1. Nuxa şəhər zəhmətkeş deputatları Sovetinin birinci sessiyası // Nuxa fəhləsi : qəzet. — Nuxa, 1940. — В. 6 yanvar. — № 5 (2767). — Səh. 1.
2. Şükürov R., Orsər R. Əbdürəhmanlı Əhməd İsa oğlu // İşıq məbədi. — Bakı: İdeal-Print, 2010. — Səhifələrin sayı:  310. — Səh.: 113. — (Ş 4702060200). — 1.000 nüsx. — ISBN 978995244710.

Həmçinin, bax:

Azərbaycan KP Şəki şəhər partiya komitəsinin birinci katibləri