Elxan Məmmədov

Elxan Məmmədov
Məmmədov Elxan Səlhab oğlu
Elxan Məmmədov, 2017-ci il
Anadan olub	18 iyun 1979 (1979-06-18)
Anadan olduğu yer	Bakı, Azərbaycan SSR, Azərbaycan SSR
Atası	Səlhab Məmmədov
Vətəndaşlıq	SSRİ→ Azərbaycan
Peşəsi	Azərbaycan Futbol Federasiyaları Assosiasiyasının baş katibi
Milliyyəti	azərbaycanlı
İxtisası	Futbolun idarəedilməsi
Təhsili	Amerika İnterkontinental Universiteti Amerika (ing. American InterContinental University, London, Böyük Britaniya, bakalavriatura, 1999) Salford Universiteti (ing. University of Salford, Mançester, Böyük Britaniya, aspirantura, 1995)
Fəaliyyəti	futbol

Elxan Məmmədov (Məmmədov Elxan Səlhab oğlu; d.  18 iyun 1979-cu ildə, Bakı, Azərbaycan SSR, SSRİ) — Azərbaycan Futbol Federasiyaları Assosiasiyasının (AFFA) baş katibi (2007-ci ildən), Avropa Liqası Finalının 2019-cu ildə Bakı şəhərində keçirilməsi üzrə əlaqələndirici, 2020-ci ildə UEFA Avropa çempionatının 4 oyununun Bakı şəhərində keçirilməsi üzrə Yerli Təşkilat Komitəsinin sədr müavini, FIFA Fair Play və Sosial Məsuliyyət Komitəsinin üzvü, UEFA-nın Fair Play və Sosial Məsuliyyət Komitəsinin sədri.

Haqqında məlumatlar

1979-cu ildə Bakı anadan olub.

Təhsili

1999-cu ildə Amerika İnterkontinental Universiteti Amerika (ing. American InterContinental University, London, Böyük Britaniya) biznesin idarəedilməsi və korporativ idarəetmə ixtisası üzrə bakalavr təhsili alıb.

2011-ci ildə Liverpul Universiteti tərəfindən təşkil edilən Futbol Klubları və Assosiasiyaların İdarəçiliyi üzrə Təlimdə iştirak edib.

2012-ci ildə Salford Universitetində (ing. University of Salford, Mançester, Böyük Britaniya) idarəetmə planlaşdırması ixtisası üzrə aspirantura təhsilini başa vurub.

2016-cı ildə Parisdə Sciences Po İnstitutunun əməkdaşlığı ilə təşkil edilən Avropa İdman İdarəetmə (European Sport Governance (MESGO)) proqramını bitirmişdir.

İş təcrübəsi

1996 – 1997-ci illərdə Baku Investment Ltd-də maddi-texniki əməliyyatlar üzrə nəzarətçi köməkçisi işləyib.

2000 – 2008-ci illərdə Natavan Biznes Mərkəzində direktor müavini, Natavan şirkətinin və Baku Investment Ltd-nin icraçı direktoru vəzifələrində çalışıb.

Futbol üzrə təşkilatlarda

2007-ci ilin iyulundan AFFA-nın baş katibidir.

2008-ci ildən UEFA-nın Fair Play və Sosial Məsuliyyət Komitəsinin vitse-prezidenti və FIFA Fair Play və Sosial Məsuliyyət Komitəsinin üzvüdür.

2009 – 2012-ci illər ərzində UEFA nümayəndəsi kimi də fəaliyyət göstərib.

2016-cı ilin yazında AFFA-nın İcraiyyə Komitəsi tərəfindən ardıcıl üçüncü dəfə baş katib təyin edilib.

2016-ci ildə təşkil olunmuş 17 yaşadək oğlanlardan ibarət komandalar arasında Avropa çempionatının Yerli Təşkilat Komitəsinin sədri olub.

AVRO-2020-nin oyunlarının Bakı şəhərində keçirilməsi üçün namizədliyin irəli sürülməsi və prosedur işlərin həyata keçirilməsi prosesinə rəhbərlik edib. (2014-cü ilin sentyabr ayında UEFA tərəfindən AVRO-2020-nin üç qrup mərhələsi və bir dörddə bir final oyununa Bakı şəhərinin ev sahibliyi etmək hüququnun verildiyi elan olunmuşdur).

Mükafatları

• Azərbaycan Respublikasının Prezidentinin fəxri diplomunu, 2017.

Ailəsi

Ailəlidir, üç övladı var.

Atası: Səlhab Məmmədov Azərbaycan Respublikasının xalq rəssamı, Azərbaycan Rəssamlar İttifaqı sədrinin birinci müavini, Azərbaycan Dövlət Rəssamlıq Akademiyasının professoru və beynəlxalq əlaqələr işləri üzrə prorektorudur.

Aidiyyəti linklər

• "BACK OF THE NET". www.thebusinessyear.com. İstifadə tarixi: 6 yanvar 2018.