Dürrə Məmmədova

Dürrə Məmmədova
	Məmmədova Dürrə Əlabbas qızı
	Dürrə Məmmədova
Anadan olub	25 dekabr 1923
Anadan olduğu yer	Nuxa, Nuxa qəzası, Azərbaycan SSR, ZSFSR, SSRİ
Vəfat edib	25 avqust 2005 (81 yaşında)
Təhsili	Bakı Əczaçılıq Texnikumunu ( – 1940)
Mükafatları

Məmmədova Dürrə Əlabbas qızı — II dünya müharibəsi iştirakçısı, baş leytenant, SSRİ tibb xidməti əlaçısı, Azərbaycan SSR əməkdar səhiyyə işçisidir (1981).

Haqqında məlumatlar

25 dekabr 1923-cü ildə Nuxada anadan olub.

Təhsili

1940-cı ildə Bakı Əczaçılıq Texnikumunu bitirib.

Əmək fəaliyyəti

1940 – 1941-ci illərdə Nuxadakı 85 №-aptekdə işləyib.

Hərbçi fəaliyyəti

22 iyun 1941-ci il tarixdə Böyük vətən Müharibəsinin Müharibənin başlamasından sonra könüllü olaraq cəbhəyə gedib. Əvvəlcə Novorossiysk şəhər 43 №-li hərbi-dəniz qospitalının sərəncamına göndərilib, sonra Novorossiysk Hərbi-Dəniz bazasının sanitar anbarına köçürülüb. Burada o, tibb işçisi kimi 18-ci Ordunun Qara dəniz hərbi hissələrinin dərmanlarla, sarğı ləvazımatları və tibbi avadanlıqlarla təchizi məsələləri ilə məşğul olmuş, yaralılara da yardım göstərmişdir. Sovet qoşunları Novorossiysk şəhərini tərk etdikdən sonra isə Gəlincik və Karbardinka döyüş meydanlarında fəaliyyət göstərib.

Xidmətlərinə görə bir neçə orden 13 medalla təltif olunmuş, 1948-ci ilədək hərbi qulluqda saxlanılmış, Hərbi-Dəniz Donanmasının 41 və 45 №-hospitallarında aptek müdiri vəzifəsində çalışmışdır.

1948 – 1961-ci illərdə əmək fəaliyyətini Leninqradda, Uzaq Şərqdə, Port-Arturda (ÇXR),

1961-ci ildən isə Bakıdakı 329 saylı aptekdə davam etdirib.

1978-ci ildə fərdi pensiyaya çıxıb.

İctimai aktivliyi

3 dəfə Bakı şəhəri Sovetinə deputat,

3 dəfə SSRİ Müharibə Veteranları Komitəsinin plenumuna üzv seçilib.

1995 və 2000-ci illərdə Moskvada Qızıl Meydanda keçirilən paradlarında iştirak edib.

Heydər Əliyevin onun haqqında dediyi sözləri isə o tez-tez xatırlayır. Mərhum prezident onun cavan qalmasına və səliqəsinə işarə edərək deyib: "Mən səni artıq 30 ildir ki, tanıyıram. Bu müddət ərzində sən heç dəyişməmisən. 30 il əvvəl də elə belə idin". Qələbə çalmağın əsas yolunu arxa cəbhə ilə ön cəbhənin həmrəyliyində görür Dürrə xanım. Ən böyük arzusu isə torpaqlarımızın qan tökülmədən işğaldan azad olunmasıdır.

Mükafatları

"Qırmızı Ulduz"
II dərəcəli "Vətən müharibəsi" ordeni
SSRİ tibb xidməti əlaçısı
Azərbaycan SSR əməkdar səhiyyə işçisi (1981).
Beynəlxalq Qızıl Xaç və Qızıl Aypara Hərəkatının ən ali mükafatı olan "Florens Naytingel" medalı (2005)

Vəfatı

25 avqust 2005-ci il tarixdə, 81 yaşında vəfat edib.

İstifadə edilmiş mənbələr

Mete Ə. Şəfqətli döyüşlər // O torpağın övladları. — Bakı: Nurlan, 2006. — Səhifələrin sayı: 608. — Səh.: 355 – 356. — 500 nüsx.
Naibə (7 – 10 may, 2011). "Qələbə günündən qələbə gözləntisi". http://anl.az/ (azərb.). “Həftə içi” qəzeti. 23 Dec 2020 tarixində arxivləşdirilib.