Teymurçin Məmmədov
Teymurçin Məmmədov (1953–2021) — tanınmış pedaqoq, Şəki Dövlət Regional Kollecinin direktor müavini.
| Teymurçin Məmmədov | |
|---|---|
| Məmmədov Teymurçin Muxrəddin olu | |
| Teymurçin Məmmədov | |
| Teymurçin Məmmədov. | |
| Anadan olub | 14 oktyabr 1953 |
| Anadan olduğu yer |
Nuxa (indiki Şəki), .svg){kind=small} Azərbaycan SSR,  SSRİ |
| Vəfat edib | 1 noyabr 2021 (68 yaşında) |
| Vəfat etdiyi yer |
Şəki,  Azərbaycan |
| Təhsili | S.M.Kirov adına Azərbaycan Dövlət Universiteti, fizika fakültəsi (1969–1974) |
| facebook səhifəsi | |
Haqqında məlumatlar
1953-cü ildə Nuxada (indiki Şəki) anadan olub.
Təhsili
1969-cu ildə Şəki şəhər 12 №-li orta məktəbini bitirib.
1969 – 1974-cü illərdə S.M.Kirov adına Azərbaycan Dövlət Universitetinin fizika fakültəsində təhsil alıb.
Əmək fəaliyyəti
1974 – 1975-ci illərdə təyinatla Vattaşen (indiki Oğuz) rayonunun Xaçmaz kənd orta məktəbində,
1975-ci ildə Şəki şəhər 7 nömrəli orta məktəbində,
1976 – 1983-cü illərdə Şəki şəhər 20 nömrəli orta məktəbində fizika müəllimi işləyib.
1983-cü ilin sentyabr ayından Şəki Pedaqoji Texnikumunda müəllim işləyib; o cümlədən,
1987 – 1991-ci illərdə qiyabi şöbənin müdiri,
1991 – 2016-cı illərdə tədris işləri üzrə direktor müavini vəzifəsində çalışıb.
2016 – 2021-ci illərdə isə Şəki Dövlət Regional Kollecinin direktor müavini olub.
Ailəsi
Ailəli idi, iki övladı, üç nəvəsi var.
Ədəbiyyat
- Şükürov R., Orsər R. Məmmədov Teymurçin Müxrəddin oğlu // İşıq məbədi. — Bakı: İdeal-Print, 2010. — Səhifələrin sayı: 310. — Səh.: 261. — (Ş 4702060200). — 1.000 nüsx. — ISBN 978995244710.