Rəşid bəy Əfəndiyev adına Şəki Tarix-Diyarşünaslıq Muzeyi
Şəki Tarix Diyarşünaslıq Muzeyi — Şəki rayonunda fəaliyyət göstərən muzey. Muzey Rəşid bəy Əfəndiyevin adını daşıyır.
Şəki Tarix Diyarşünaslıq Muzeyi | |
---|---|
Şəki Tarix-Diyarşünaslıq Muzeyinin binası | |
Əsası qoyulub | 1925 |
Mövzu | arxeologiya, etnoqrafiya |
Yerləşir | Şəki, Qala divarları 1 |
Kolleksiyası | 5000-dən çox eksponat |
Direktor | Yaqut Cəlalova |
Telefon | (+99424) 24 4 37 02 |
Commonsda da Şəki Tarix Diyarşünaslıq Muzeyi ilə əlaqəli mediafayllar var |
Tarixi
Şəki Tarix-Diyarşünasliq Muzeyi 1925-ci ilin sentyabr ayında yaradılmışdır. Muzeyin 1980-ci ildən bəri fəaliyyət göstərdiyi hazırkı binası 1895-ci ildə kazarma məqsədi ilə tikilmiş tarixi abidədir.[1]
Muzeyin ümumi sahəsi 924 m²-dir. Bunun 724 m²-də ekspozisiya zalları yerləşir.[2] Muzeydə Şəki şəhərinin tarixini, mədəniyyətini, qədim sənət növlərini, etnoqrafiyasını, mətbəxini əks etdirən 5000-dən çox eksponat nümayiş etdirilir. Eyni zamanda Böyük vətən müharibəsi (1941-1945-ci illər), Əfqanıstan və Qarabağ müharibələrində şəkililərin şücaətini dair stendlər quraşdırılmışdır.
Muzey aşağıdakı şöbələrdən ibarətdir:
- Təbiət
- Qədim dövr
- Etnoqrafiya
- Cumhuriyyət
- Elm,mədəniyyət,səhiyyə xadimləri
- Döyüş şöhrəti
- İpəkçilik
- Kənd təsərrüfatı
- Şəkinin süfrə və mətbəx mədəniyyəti
- Lektoriya