Dürrə Məmmədova

Dürrə Məmmədova
Dürrə Əlabbas qızı Məmmədova
Anadan olub	25 dekabr 1923(1923-12-25)
Anadan olduğu yer	Şəki, Azərbaycan SSR, SSRİ
Milliyyəti	azərbaycanlı
Mükafatları

Məmmədova Dürrə Əlabbas qızı — II dünya müharibəsi iştirakçısı, baş leytenant, SSRİ tibb xidməti əlaçısı, Azərbaycan SSR əməkdar səhiyyə işçisidir (1981).

Həyatı

Dürrə Məmmədova 25 dekabr 1923-cü ildə Şəki şəhərində anadan olub. 1940-cı ildə Bakı Əczaçılıq Texnikumunu bitirib. Müharibənin ilk günlərindən könüllü cəbhəyə gedib, Qara Dəniz Donanmasında 43 №-li hərbi hospitalda xidmət edib, Novorossiysk şəhərinin azad edilməsi uğrunda gedən döyüşlərdə 18-ci Ordunun tərkibində tibb işçisi kimi iştirak edib. 1948-ci ildə ordudan tərxis olunub. 1949-1951-ci illərdə Leninqradda (indiki Sankt-Peterburq), 1951-1961-ci illərdə Uzaq Şərqdə hərbi hospitallarda işləyib. 1961-ci ildən Bakıda, Baş Aptekler İdarəsi sistemində çalışıb.

Mükafatları

• "Qırmızı Ulduz"
• II dərəcəli "Vətən müharibəsi" ordeni
• SSRİ tibb xidməti əlaçısı
• Azərbaycan SSR əməkdar səhiyyə işçisi (1981).
• Beynəlxalq Qızıl Xaç və Qızıl Aypara Hərəkatının ən ali mükafatı olan "Florens Naytingel" medalı (2005)

İstifadə edilmiş mənbələr

• Mete Ə. Şəfqətli döyüşlər // O torpağın övladları. — Bakı: Nurlan, 2006. — Səhifələrin sayı:  608. — Səh.: 355 – 356. — 500 nüsx.
• Naibə (7 – 10 may, 2011). "Qələbə günündən qələbə gözləntisi". http://anl.az/ (azərb.). “Həftə içi” qəzeti. 23 Dec 2020 tarixində arxivləşdirilib.