Nəriman Veysəloğlu

Nəriman Veysəloğlu
Süleymanov Nəriman Veysəl oğlu
Nəriman Veysəloğlu, 2010-cu il.
Anadan olub	17 iyun 1950 (1950-06-17)
Anadan olduğu yer	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
Təhsili	Moskva Poliqrafiya İnstitutu (–1976)
Mükafatları

Nəriman Veysəloğlu (Süleymanov Nəriman Veysəl oğlu) — tanınmış poliqrafiya işçisi, Azərbaycan SSR əməkdar poliqrafiya işçisi və Azərbaycan Respublikasının əməkdar mədəniyyət işçisi.

Haqqında məlumatlar

17 iyun 1950-ci il tarixdə Nuxada (indiki Şəki) anadan olub.

Təhsili

1967-ci ildə Şəki şəhər 2 №-li tam orta məktəbini,

1976-ci ildə Moskva Poliqrafiya İnstitutunu bitirib.

Əmək fəaliyyəti

1967 – 1970-ci illərdə “Azərnəşr”in “Gənclik” nəşriyyatında korrektor,

1970 – 1975-ci illərdə texniki redaktor,

1975 – 1995-ci illərdə uşaq kitabları nəşri üzrə bədii tərtibat şöbəsinin müdiri vəzifəsində çalışıb.

1995 – 2015-ci illərdə Azərbaycan Bədii Tərcümə və Ədəbi Əlaqələr Mərkəzinin nəşriyyat şöbəsinin müdiri olub.

2015-ci ildə təqaüdə çıxıb.

İkinci iş yerləri

1985 – 1990-cı illərdə “Dostluq” cəmiyyətində,

1989 – 1995-ci illərdə Azərbaycan Bədii Tərcümə və Ədəbi Əlaqələr Mərkəzində tərtibatçı redaktor olub.

Həmçinin, müxtəlif illərdə Azərbaycan Milli Elmlər Akademiyasında, “Qanun”, “Mütərcim”, “Türk dünyası” və “Xəzər” jurnallarında tərtibatçı rəssam, redaktor kimi fəaliyyət göstərib.

İctimai aktivliyi

1975 – 1995-ci illərdə “Gənclik” nəşriyyatında Həmkarlar komitəsinin sədri olub.

Təltif və mükafatları

• “Leninin yubiley” medalı (1970);
• “Azərbaycan SSR əməkdar poliqrafiya işçisi” fəxri adı (1974);
• Azərbaycan LKGİ-nın fəxri fərmanı (1977);
• “Azərbaycan Respublikasının əməkdar mədəniyyət işçisi” fəxri adı – azərbaycan dilində 50 cildlik “Dünya uşaq ədəbiyyatı kitabxanası”nın nəşrində fəal işinə görə (1991).

Ailəsi

Evlidir, iki qızı var.

Ədəbiyyat

1. "Azərbaycan Respublikası Dövlət Mətbuat Komitəsinin Azərbaycan dilində "Dünya uşaq ədəbiyyatı kitabxanası"nın nəşrində fəal iştirak etmiş işçilərinin bir qrupuna Azərbaycan Respublikasının fəxri adlarının verilməsi haqqında Azərbaycan Respublikası Prezidentinin Fərmanı". http://www.e-qanun.az/ (azərb.). www.e-qanun.az. 24 sentyabr 1991. 23 Sep 2017 - 21 Sep 2020 tarixində arxivləşdirilib.