Vasim Məmmədəliyev
Vasim Məmmədəliyev (1942–2019) — şərqşünas-alim, professor, Azərbaycan Milli Elmlər Akademiyasının həqiqi üzvü, Azərbaycan Respublikasının əməkdar elm xadimi, Bakı Dövlət Universitetinin ilahiyyat fakültəsinin dekanı, BDU-nun ərəb filologiyası kafedrasının müdiri, Qafqaz Müsəlmanları İdarəsi Elmi-Dini Şuranın sədri.
| Vasim Məmmədəliyev | |
|---|---|
 | |
| Vasim Məmmədəliyev 2011-ci il. | |
| Doğum tarixi | 27 avqust 1942 |
| Doğum yeri |
Bakı, .svg){kind=small} Azərbaycan SSR,  SSRİ |
| Vəfat tarixi | 13 oktyabr 2019 (77 yaşında) |
| Vəfat yeri |
Bakı,  Azərbaycan |
| Vətəndaşlıq |
SSRİ→ Azərbaycan |
| Elm sahəsi | şərqşünaslıq |
| İş yeri | Bakı Dövlət Universiteti, ilahiyyat fakültəsi |
| Mükafatları |
    |
Haqqında məlumatlar
27 avqust 1942-ci il tarixində Bakının Kürdəxanı kəndində anadan olub.
Təhsili
1949 – 1959-cu illərdə Bakı şəhər 113 saylı orta məktəbində,
1959 – 1964-cü illərdə S.M.Kirov adına Azərbaycan Dövlət universitetinin şərqşünaslıq fakültəsinin ərəb filologiyası şöbəsində,
1965 – 1968-ci illərdə isə isə Tbilisi Dövlət Universitetinin aspiranturasında təhsil alıb.
Elmi fəaliyyəti
1978-ci il professor elmi adını alıb.
1997-ci ildən Qafqaz Müsəlmanları İdarəsi Elmi-Dini Şuranın sədri olub.
2001-ci ildə AMEA-nın müxbir üzvü,
2007-ci ildən müxbir üzvü seçilib.
30-dan artıq dissertasiya işinə elmi rəhbərlik, 40-dan çox dissertasiya işinə rəsmi opponentlik edib. 20 kitabın, 600-dən çox elmi və elmi-kütləvi məqalənin müəllifidir. Əsərləri dünyanın 15-dən artıq ölkəsində nəşr olunub.
Akademik Ziya Bünyadov ilə ilə birlikdə sovet dövründə Qurani-Kərimi ilk dəfə Azərbaycan dilinə tərcümə ediblər.
Əmək fəaliyyəti
1981 – 1991-ci illərdə S.M.Kirov adına Azərbaycan Dövlət universitetinin şərqşünaslıq fakültəsinin dekanı,
1991 – 1992-ci illərdə Məmmədəmin Rəsulzadə adına Bakı Dövlət universitetinin prorektoru olub.
1992-ci ildən Bakı Dövlət Universitetinin ilahiyyat fakültəsinin dekanı, ərəb filologiyası kafedrasının müdiri idi.
1989 — İraq Elmlər Akademiyası, 1994 — İslam Təşkilatı Konfransı nəzdində İslam Hüququ Akademiyası, 1995 — Suriya Quran Elmləri və Ərəb Filologiyası Akademiyası, 2003 — Misir Ərəb dili Akademiyasının üzvü seçilmişdir.
Ailəsi
İki qızı, bir oğlu var.
Vəfatı
13 oktyabr 2019-cu il tarixdə – 77 yaşında, Bakıda vəfat edib. Bakıda – II Fəxri Xiyabanda dəfn olunmub.
Təltif və mükafatları
- “Azərbaycan Respublikasının əməkdar elm xadimi” fəxri adı (28 oktyabr 1992);
- “Dağıstan Respublikasının əməkdar elm xadimi” fəxri adı (2003);
- “Şöhrət” ordeni (26 avqust 2002);
- “Şərəf” ordeni (30 oktyabr 2009);
- Azərbaycan Respublikası Prezidentinin fərdi təqaüdü (30 avqust 2012);
- “Qızıl çinar” beynəlxalq mükafatı (10 may 2017).
