Xanlar ağa
Xanlar ağa (-1780–1793) — Şəki xanı Məhəmmədhüseyn xanın oğlu. Anadan olduğu tarix məlum deyil. Anası Gəncə xanı Şahverdi xanın qızı Xeyrannisə xanım idi. Məhəmmədhüseyn xan 1780-cı ilin avqustunda öldürülərkən Xeyrannisə xanımın 20 yaşı vardı. O, Məhəmmədhüseyn xanın ölümündən sonra Qarabağ xanı İbrahim xanın oğlu Məhəmmədhəsən ağaya ərə gedir[1]. Başdaşı kitabəsində hicri 1207-ci ilin səfər ayında (8 sentyabr–6 oktyabr 1793) vəfat etdiyi göstərilib[2]. Həmin başdaşı Rəşid bəy Əfəndiyev adına Şəki Tarix-Diyarşünaslıq Muzeyində saxlanılır. Meşədixanım Nemətin yazdığına görə başdaşı muzeyə Şəki xan qəbiristanlığından gətirilmişdir[3]. Lakin mümkündür ki, başdaşı muzeyə Şəki xan qəbiristanlığından yox, Giləhli minarəsinin yanında vaxtilə mövcud olmuş qəbiristanlıqdan gətirilmişdir. Belə ki həmin qəbiristanlıq eroziyaya məruz qalaraq dagıldıqdan sonra oradakı yazılı baş daşıları müxtəlif muzeylərdə saxlanılmağa başladı.
| Xanlar ağa | |
|---|---|
| Xanlar ağa Məhəmmədhüseyn xan oğlu | |
| Xanlar ağanın baş daşı | |
| Anadan olub | -1780 |
| Vəfat edib | sentyabr 1793 |
| Atası | Məhəmmədhüseyn xan Həsən ağa oğlu |
| Anası | Xeyrannisə xanım Şahverdi xan qızı |
İstinadlar
Ədəbiyyat
- Родсловная таблица ганджинских ханов // Акты, собранные Кавказской археографической комиссией / под редакцией: А. П. Берже. — Тифлис, 1875. — Т. VI, часть вторая. — С. 905.
- Неймат М.С. 594 // Корпус эпиграфических памятников Азербайджана / ред. З. М. Буниятов. — Баку: XXI-YNE, 2001. — Т. II : Арабо-персо-тюркоязычные надписи Шеки-Закатальской зоны : ХIV век. — 102–103 с. — 1.000 экз.
- Неймат М.С. 594 // Корпус эпиграфических памятников Азербайджана / ред. З. М. Буниятов. — Баку: XXI-YNE, 2001. — Т. II : Арабо-персо-тюркоязычные надписи Шеки-Закатальской зоны : ХIV век. — 211 с. — 1.000 экз.