Mahir Əyyubov

Mahir Əyyubov
Əyyubov Mahir Ələkbər oğlu
Mahir Əyyubov
Anadan olub	12 avqust 1951 (1951-08-12)
Anadan olduğu yer	Nuxa, Azərbaycan SSR, SSRİ
Vətəndaşlıq	SSRİ→ Azərbaycan
Mükafatları

Mahir Əyyubov (Əyyubov Mahir Ələkbər oğlu; d.  12 avqust 1951-ci il, Nuxa, Azərbaycan SSR, SSRİ) – tanınmış pedaqoq, Azərbaycan Respublikasının əməkdar müəllimi.

Haqqında məlumatlar

1951-ci ildə Nuxada anadan olub.

1957 – 1958-ci illərdə 1 saylı, 1959 – 1968-ci illərdə isə 2 saylı Nuxa şəhər orta məktəbində oxuyub.

1968 – 1973-cü illərdə Azərbaycan Dövlət Universitetinin fizika fakültəsində təhsil alıb.

1973-cü ildə təyinatla Şəki şəhər 11 saylı tam orta məktəbə fizika müəllimi işləməyə göndərilib.

Sonralar 20 saylı orta məktəbdə təşkilatçı, dərs hissə müdiri vəzifələrində çalışıb.

Tədris prosesində yeni təlim-tədris metodlarının tərtib və tətbiq edilməsindəki nailiyyətlərinə görə 1987-ci ildə “Metodist Müəllim” adına, 1993-cü ildə “Xalq Təhsili Əlaçısı” adına layiq görülüb.

1994-cü ildə kompüter proqramlarının respublika baxış müsahibəsinin qalibi olub.

Tədris ilinin yekunlarına görə dəfələrlə Azərbaycan Respublikası Təhsil Nazirliyinin və Şəki Təhsil Şöbəsinin fəxri fərmanları, diplomları və digər mükafatları ilə təltif olunub.

Ondan çox müxtəlif dərəcəli sertifikatlar almışdır.

2000-ci ildə “Azərbaycan Respublikasının Əməkdar Müəllimi” Fəxri adına layiq görülüb.

Aidiyyəti linklər

• Azərbaycan Respublikasının təhsil işçilərinə "Əməkdar müəllim" fəxri adının verilməsi haqqında Azərbaycan Respublikası Prezidentinin 18 mart 2000-ci il tarixli, 302 nömrəli Fərmanı.