Nəhayət Əhmədova

Nəhayət Əhmədova
Əhmədova Nəhayət Allahyar qızı
Nəhayət Əhmədova, 1975-ci il.
Anadan olub	7 oktyabr 1925(1925-10-07)
Anadan olduğu yer	Nuxa, Nuxa qəzası, Azərbaycan SSR, ZSFSR, SSRİ
Vəfat edib	5 iyun 1992 (67 yaşında)
Vəfat etdiyi yer	Şəki, Azərbaycan
Həyat yoldaşı	Əhməd Həmidov
Vətəndaşlıq	SSRİ→ Azərbaycan
Təhsili	Nuxa İkiillik Müəllimlər İnstitutu (–1945)
Mükafatları

Nəhayət Əhmədova (1925–1992) — tanınmış yerli radio diktoru və pedaqoq. Uzun müddət Nuxa/Şəki radiosunun diktoru vəzifəsində çalışmışdır.

Haqqında məlumatlar

7 oktyabr 1925-ci il tarixdə Nuxada (indiki Şəki) anadan olub.

Təhsili

1945-ci ildə Nuxa İkiillik Müəllimlər İnstitutunu bitirib.

Əmək fəaliyyəti

1942-ci ildə Nuxa şəhər pionerlər evində dərnək rəhbəri kimi əmək fəaliyyətinə başlayıb.

1945 – 1983-cü illərdə 5 və 10 saylı məktəblərdə azərbaycan dili və ədəbiyyatı müəllimi işləyib.

1962 – 1983-cü illərdə Nuxa/Şəki radiosunun diktoru olub.

İctimai fəaliyyəti

1949-cu ildə Moskva şəhərində keçirilmiş ÜLKGİ–nin XI qurultayında Azərbaycan SSR nümayəndə heyətinin üzvü olaraq iştirak edib.

Təltif və mükafatları

• “1941-1945-ci illər Böyük Vətən müharibəsində qələbənin 40 illiyi” yubiley medalı;
• “Əmək veteranı” medalı.

Vəfatı

5 iyun 1992-ci il tarixdə – 67 yaşında, vəfat edib.