Zahid Mustafayev
Zahid Mustafayev | |
---|---|
Mustafayev Zahid Nəzir oğlu | |
![]() | |
Mustafayev Zahid. | |
Doğum tarixi | 27 mart 1938 |
Doğum yeri |
Nuxa, ![]() ![]() |
Vəfat tarixi | 16 iyun 2015 (77 yaşında) |
Vəfat yeri |
Şəki, ![]() |
Vətəndaşlığı |
![]() ![]() |
Təhsili | Mirzağa Əliyev adına Azərbaycan Dövlət İncəsənət İnstitutu, mədəni-maarif fakültəsi (–1971) |
Zahid Mustafayev (1938–2015) — tanınmış mədəniyyət işçisi, teatr aktyoru, Şəki rayon mədəniyyət şöbəsinin sabiq müdiri.
Haqqında məlumatlar
27 mart 1938-ci il tarixdə Nuxada (indiki Şəki) anadan olub.
Təhsili
1948 – 1958-ci illərdə Nuxa şəhər 10 №-li orta məktəbində təhsil alıb.
1971-ci ildə Mirzağa Əliyev adına Azərbaycan Dövlət İncəsənət İnstitutunun mədəni-maarif fakültəsini bitirib.
Əmək fəaliyyəti
1957 – 1978-ci illərdə Nuxada/Şəkidə mədəniyyət sahəsi ilə bağlı müxtəlif vəzifələrdə (klub müdiri, metodist, bədii rəhbər, aktyor, ədəbi-hissə müdiri, mədəniyyət evinin direktoru, mədəniyyət və istirahət parkının direktoru, tarix-diyarşünaslıq muzeyinin direktoru) işləyib.
1978 – 1984-cü illərdə Şəki rayon mədəniyyət şöbəsinin müdiri olub.
1985-ci ildən Sabit Rəhman adına Şəki Dövlət Dram Teatrıda çalışıb, o cümlədən,
1985 – 1987-ci illərdə teatrın sıravi aktyoru,
1987 — 1993-cü illərdə isə ədəbi-hissə müdiri olub.
1996 – 2011-ci illərdə Şəki xalq teatrının rejissoru vəzifəsində çalışıb.
Vəfatı
16 iyun 2015-ci il tarixdə – 77 yaşında, Şəkidə vəfat edib.
Ədəbiyyat
- Rəhimli İ. Zahid Mustafayev // Şəki teatrı. — Bakı: Qanun, 2016. — Səhifələrin sayı: 383. — Səh.: 83-84. — 500 nüsx. — ISBN 978-9952-36-230-5.