MediaWiki:Türk dünyasının mədəniyyət paytaxtı
Asiya xəritəsində Türk dünyası mədəniyyət paytaxtlarının yeri. Əvvəlki paytaxtlar Hazırki paytaxt Növbəti paytaxt
Türk dünyasının mədəniyyət paytaxtı — TÜRKSOY-un təşəbbüsü ilə türkdilli dövlət, yaxud regionların şəhərlərindən hər il birinin Türk dünyasının mədəniyyət mərkəzi seçilməsi. Türk dünyasının mədəniyyət paytaxtı seçilmiş şəhərlərdə il ərzində Türk dünyasının mədəni tədbirləri keçirilir.
TÜRKSOY-un üzv-şəhərlərindən hər il birinin illik olaraq Türk dünyasının mədəniyyət paytaxtı elan edilməsi barədə qərar 2010-cu ildə türkdilli ölkə başçılarının X sammitində qəbul olunmuşdur.
Türk dünyasının birinci mədəniyyət paytaxtı 2012-ci ildə TÜRKSOY şurası tərəfindən Qazaxıstan paytaxtı Astana seçilmişdir. Daha sonra Əskişəhər, Kazan, Marı, Şəki, Türkistan, Oş və Xivə şəhərləri də növbə ilə Türk dünyasının mədəniyyət paytaxtları seçilib.
Türk dünyasının mədəniyyət paytaxtlarının siyahısı
| İl | Şəhər | Ölkə/Region |
|---|---|---|
| 2012 | Astana |  Qazaxıstan
|
| 2013 | Əskişəhər |  Türkiyə
|
| 2014 | Kazan |  Tatarıstan
|
| 2015 | Marı |  Türkmənistan
|
| 2016 | Şəki |  Azərbaycan
|
| 2017 | Türkistan | Qazaxıstan
|
| 2019 | Oş |  Qırğızıstan
|
| 2020 | Xivə |  Özbəkistan
|