Məhəmməd Zahid

Məhəmməd Zahid
türk.: Kotku Mehmed Zahid
Məhəmməd Zahid
Mehmed Zahid Kotku
Doğum tarixi	1897(1897-Şablondakı doğum və ya ölüm tarixində texniki yanlışlıq var!-00)
Doğum yeri	Bursa, Osmanlı dövləti
Vəfat tarixi	13 noyabr 1980 (83 yaşında)
Vəfat yeri	İstanbul, Türkiyə
Vətəndaşlıq	Türkiyə

Məhəmməd Zahid (türk.: Kotku Mehmed Zahid d. 1897-ci ildə, Bursa, Osmanlı dövləti – ö. 13 noyabr 1980-cı ildə, İstanbul, Türkiyə Cümhuriyyəti), İslam alimi, yazıçı, din xadimi, vaiz, Nəqşibəndiyyə şeyxi.

Haqqında məlumatlar

1897-ci ildə Bursada anadan olub.

Bursada ibtidai və orta təhsil alıb.

Birinci Dünya müharibəsi dövründə – 1915-ci ildə, on səkkiz yaşı olarkən, Osmanlı ordusuna çağırılıb və Suriya cəbhəsinə göndərilib. Osmanlı ordusu Suriyadan çıxdıqdan sonra İstanbula qayıtsa da, 1919-cu ilin iyul ayından hərbi qərargahda katib olaraq hərbi xidmətini davam etdirib. Xatirələrdəki qeydlərdən aydın olur ki, o, 1922-ci ilin martınadək həmin vəzifədə çalışıb.

1920-ci ildə − hələ İstanbulda hərbi xidmətdə olarkən, İstanbulun Cağaloğlu məhəlləsində Fatma Sultan məscidinin yanındakı Gümüşxanəvi təkyəyə getmiş, əvvəl Şeyx Dağıstanlı Ömər Ziyaəddin əfəndidən dini dərs almağa başlamış, sonra isə Mustafa Feyzi əfəndinin şagirdi olmuşdur. İyirmi yeddi yaşında xilafət almışdır. Bu illərdə Beyazit, Fateh və Ayasofya məscidlərində və bir çox mədrəsələrdə dini dərslərə qatılmaqla hafizliyini tamamlamış, həmçinin, Mustafa Feyzi Əfəndinin istəyi ilə müxtəlif şəhər və kəndlərdə dini xidmətlər icra etmişdir.

1925-ci ildə Türkiyədə təkyələrin fəaliyyətinin qadağan edilməsindən sonra Bursaya geri dönmüş, atasının imam olduğu İzvat kəndində yaşamağa başlamışdır. Atasının vəfatından sonra 1946-cı ilə qədər İzvat kənd məscidinin imamı olmuş, 1946-cı ildə Üftadə məscidinə, 1952-ci ilin dekabr ayında Zeyrekdəki Ummu Gülsüm Məscidinə, 1958-ci ildə isə Fateh İsgənndərpaşa Məscidinə imam təyin edilmişdir və ömrünün sonunadək sonuncu məscidin imamı olmuşdur.

1979-cu ilin əvvəlində Hicaza getmiş, lakin 1980-cı ilin fevralında ağır xəstə vəziyyətdə İstanbula geri dönmüşdür. Əməliyyat olunduqdan sonra növbəti həcc mövsümündə təkrarən həccə gedib-qayıtmış, 13 noyabr 1980-ci il tarixdə İstanbulda vəfat etmişdir. Cənazə namazı 14 noyabr tarixdə Süleymaniyə Məscidində qılındıqdan sonra nəşi Qanuni Sultan Süleyman Türbəsi məzarlığında dəfn edilmişdir.

Ailəsi

Valideynləri 1880-cı ildə Nuxadan Anadoluya köçərək Bursada məskunlaşmışdırlar. M

Atası: İbrahim əfəndi– Nuxadan Bursaya köçərkən 16 yaşı vardı, müxtəlif məscidlərdə imamlıq etmiş 1929-cu ildə Bursa düzənliyindəki İzvat kəndində vəfat etmişdir.

Anası: Sabirə– 1900-cu ildə, Məhəmməd Zahid 3 yaşında olarkən, vəfat edib.

Böyük qardaşı: Əhməd Şakir əfəndi Birinci Dünya müharibəsi dövründə Osmanlı ordusuna çağırılmış, Qüds və çanaqqala cəphələrində vuruşmuş, 28 yaşında cəphədə xəstələnərək vəfat etmişdir.

Ədəbiyyat

Mahmud Esad Coşan (2002). "KOTKU, Mehmet Zahit". islamansiklopedisi.org.tr (Türkçe). İslâm Ansiklopedisi. 28 Jun 2019 tarixində arxivləşdirilib.