Şəki Ensiklopediyası:Layihə haqqında/Bildiriş №4

2021-ci ilin 4 sentyabrından başlamaqla 1 il ərzində Şəki Ensiklopediyası saytının ziyarətçi statistikasını 4 sentyabr 2022-ci il tarixdə (2 №-li bildiriş) açıqlamışdıq. Eyni işi bu ilin 4 sentyabrında da etməyi planlaşdırırdıq, lakin Gogle Analitikanın bu ilin 1 iyulunda yeni G4 hesablama sisteminə keçməsi və əvvəlki hesablama sisteminin tezliklə dayandırılacağını elan etməsi səbəbindən biz bu dəfə bir illik yox, on aylıq ziyarətçi statistikamızı təqdim etməyə məcbur olduq:

2022-ci ilin 4 sentyabrından başlamaqla 10 ay ərzində Şəki Ensiklopediyası saytını 55 min 322 nəfər oxucu ziyarət etmişdir. Ziyarət sayı 27 iyun 2023-cü il tarixdə ən az (120 nəfər), 10 dekabr 2022-ci il tarixdə isə ən çox (739 nəfər) olub. Saytın gündəlik oxucu sayı cəmi 3 dəfə 150-dən az, cəmi 9 dəfə isə 500-dən çox olub.

Saytımız əsasən Android (55.72%) və iOS (29.77%) mobil əməliyyat sistemləri ilə və qismən Windows (13.16%) kompüter əməliyyat sistemi ilə açılmışdır. Başqa sözlə saytımızın açılması 85%-dən çox nisbətdə mobil cihazlar, cəmi 15%-ə yaxın nisbətdə isə kompüterlər vasitəsi ilə baş verib.

10 ay ərzində saytımız Google axtarışında 1,56 milyon dəfə göstərilmiş, 56,4 min dəfə isə Google axtarışı ilə açılmışdır. Ən çox 1 mart 2023-ci il tarixdə bir gün ərzində 6.808 dəfə göstərilmiş və 501 dəfə açılmışdır. 10 ay ərzində saytımızın açılması 29.156 dəfə (52,1%) internet-axtarış sistemləri vasitəsi ilə, 22.117 dəfə (39,5%) internet-sosial şəbəkələr vasitəsi ilə 4.366 dəfə (7,8%) isə birbaşa baş verib. Aydın Məmmədov (müzakirə) 15:09, 5 iyul 2023 (+04)