Məmməd Əfəndiyev
Məmməd Əfəndiyev | |
---|---|
Əfəndiyev Məmməd Rəşid bəy oğlu | |
Məmməd Əfəndiyev, 1911-ci il | |
Doğum tarixi | 5 oktyabr 1887 |
Doğum yeri |
Nuxa, Nuxa qəzası, Yelizavetpol quberniyası, Rusiya İmperiyası |
Vəfat tarixi | 1 iyun 1977 (89 yaşında) |
Vəfat yeri |
Bakı, Azərbaycan SSR, SSRİ |
Milliyyəti | azərbaycanlı |
Atası | Rəşid bəy Əfəndiyev |
Mükafatları |
Məmməd Əfəndiyev (Əfəndiyev Məmməd Rəşid bəy oğlu; 15 oktyabr 1887-ci il, Nuxa, Nuxa qəzası, Yelizavetpol quberniyası, Rusiya İmperiyası – Bakı, Azərbaycan SSR, SSRİ) − azərbaycanlı alim və pedaqoq, professor, Azərbaycan Pedaqoji İnstitutunun riyaziyyat və təbiət elmləri fakültəsinin dekanı (1934 – 1936), Azərbaycan Dövlət Universitetinin riyazi analiz kafedrasının müdiri (1935-1965).
Haqqında məlumatlar
1887-ci ildə Nuxada anadan olub.
1908 – 1913-cü illərdə Sank-Peterburq İmperator Universitetinin([[::Императорский Санкт-Петербургский университет|]]) fizika-riyaziyyat fakültəsinə təhsil alıb.
1913 – 1920-ci illərdə əvvəl Tiflisdə müəllim, sonra isə Nuxadakı gimnaziyada müəllim və direktor vəzifələrində çalışıb.
1920-ci ildə Azərbaycanda Sovet hakimiyyəti qurulduqdan sonra Bakı şəhərində riyaziyyat üzrə ali pedaqoji kursların təşkilatçısı olub.
1930 – 1934-cı illərdə V.İ.Lenin adına Azərbaycan Pedoqoji İnstitutunun riyaziyyat kafedrasının müdiri vəzifəsində çalışıb.
1930 – 1936-ci illərdə V.İ.Lenin adına Azərbaycan Pedoqoji İnstitutunun riyaziyyat və təbiyyat elmləri fakültəsinin,
1936 – 1965-ci illərdə isə S.M.Kirov adına Azərbaycan Dövlət Universitetinin riyaziyyat və təbiyyat elmləri fakültəsinin dekanı olub.
M.Əfəndiyev APİ-də Riyaziyyat və təbiyyat elmləri fakültəsinin dekanı (1934-1936), ADU-da Riyazi analiz kafedrasının müdiri (1935-1965), professor dərəcəsinə layiq görülmüşdür. Milli Azərbaycan Tarixi Muzeyin fondlarında şəxsi əşyaları, fotoşəkilləri, tarixi sənədləri mühafizə edilir. [1]
1943-cü ildə Əməkdar elm xadimi fəxri adına layiq görülmüş, 1945-ci ildə professor elmi adı almışdır. Riyazi ifadələrin Yaxın Şərqdə yayılmış yazılış formaları əvəzinə latınca yazılışını ilk dəfə Əfəndiyev işlətmişdir. O, ilk dəfə riyazi analiz, analitik həndəsə və riyaziyyatın tədrisi metodikası fənlərindən Azərbaycan dilində mühazirələr oxumuşdur.
Riyazi ifadələrin Yaxın Şərqdə yayılmış yazılış formaları əvəzinə latınca yazılışını Azərbaycanda ilk dəfə Əfəndiyev işlətmişdir. Əfəndiyev “Cəbrə aid proqram və tapşırıq ”, “Adi deferensial tənliklər” (1950) və.s. əsərlərin müəllifidir. Sovet hakimiyyəti illərində Lenin ordeni və iki Qırmızı əmək Bayrağı ordeni ilə təltif olunmuşdur.
Əfəndiyev Məmməd Rəşid oğlu 1 iyun 1977-ci ildə Bakı şəhərində vəfat etmişdir.
Bakıda adına küçə vardır.
Mükafatları
Əsərləri
- "Cəbrə aid proqram və tapşırıq",
- "Matematik analizdən kontrol tapşırıqlar", 1935
- "Adi diferensial tənliklər", 1950
Xarici keçidlər
- ↑ Əsədova Nüşabə. Milli Azərbaycan Tarixi Muzeyində qorunan eksponatlar Rəşid bəy İsmayıl oğlu Əfəndizadə və Məmməd bəy Əfəndiyevin həyat və yaradıcılığının öyrənilməsində mənbə kimi. Bakı,səh,50."Azərbaycan tarixinin öyrənilməsində muzeylərin rolu" IV Respublika elmi konfransının materialları