Varid Fərzəlibəyov
| Varid Fərzəlibəyov | |
|---|---|
| Fərzəlibəyov Varid Nəsib oğlu | |
| Şəxsi məlumatlar | |
| Doğum tarixi | 2 iyul 1933 |
| Doğum yeri |
Nuxa, .svg){kind=small} Azərbaycan SSR,  ZSFSR,  SSRİ |
| Vəfat tarixi | 23 mart 1999 (65 yaşında) |
| Vəfat yeri |
Bakı,  Azərbaycan |
| Vətəndaşlığı |
SSRİ→ Azərbaycan |
| Peşələri | ixtiraçı-mühəndis, tarzən |
Varid Fərzəlibəyov (Fərzəlibəyov Varid Nəsib oğlu; d. 2 iyul 1933-cü ildə, Nuxa, Azərbaycan SSR, ZSFSR, SSRİ – ö. 23 mart 1999-cu ildə, Bakı, Azərbaycan Respublikası) — azərbaycanlı ixtiraçı-mühəndis, həvəskar tarzən, bəm tarın yaradıcısı[1].
Haqqında məlumatlar
1933-cü ildə Nuxada anadan olub.
M.Əzizbəyov adına Azərbaycan Neft və Kimya İnstitutunun energetika fakültəsini bitirib.
Uzun illər “Azərelektroişıq” istehsalat birliyinin laboratoriya müdiri olub.
Yaradıcılığı
XX əsrin 60-cı illərində musiqi kollektivlərində bas (bəm) səslərə olan ehtiyacı ödəmək üçün bəm tarı[2] yaratmışdır. 1966-cı ildə müəllif bu alətə görə SSRİ miqyasında patent alıb[3].
Bəm tarı Sadıqcanın tarından fərqləndirən odur ki, çanağın içindəki arakəsmədə alətin səs temrbini (səs çalarını) dəyişdirən diafraqmalı dəlik var və tarın qoluna birləşən çanaq üstü açıqdır. Bas tarın quruluşuna görə tarın böyük formasıdır, mizrabı adi tar mizrabından iki dəfə böyükdür. Bir qayda olaraq, tarzənlər tərəfindən ifa olunur. Alətin notları bas açarında yazılır. Azərbaycan Dövlət Konservatoriyasında İ.Hacıbəyov, Ə.Abbasov, C.Hacıyev, Ə.Bakıxanov və H.Xanməmmədovun iştirak etdiyi komissiya ixtiraya yüksək qiymət vermişdir.
Sənətkarlıq və tətbiqi sənətə xüsusi maraq göstərdiyindən ağac oyma sənəti sahəsində də tanınmışdır. Layihələndirdiyi və ağacdan hazırladığı bir sıra suvenirlər Azərbaycan SSR Mədəniyyət Nazirliyi nəzdində fəaliyyət göstərən suvenir fabrikində kütləvi istehsal olunmuşdur.