MediaWiki:Azərbaycan Milli Ensiklopediyası

Ensiklopediyanın xüsusi və ilk 3 cildləri

Azərbaycan Milli Ensiklopediyası — Azərbaycan Respublikası Prezidentinin 2004-cü il 12 yanvar tarixli, 55 nömrəli Sərəncamına əsasən nəşr olunması planlaşdırılmış çoxcildli ensiklopediya

Haqqında

20 əsrin 30-cu illərində Azərbaycan Şura Ensiklopediyasının (AŞE) yaradılması ilə əlaqədar bir sıra tədbirlər görülsə də, AŞE-nin nəşri mümkün olmamışdı.

1965 il dekabrın 30-da Azərb. KP MK və Azərb. SSR Nazirlər Soveti “Azərbaycan Sovet Ensiklopediyasının nəşr edilməsi haqqında” qərar qəbul etdi və Azərb. SSR EA-nın Rəyasət Heyəti yanında ASE-nin Baş Redaksiyası yaradıldı. Qərarda 10 cildlik ASE və “Azərbaycan SSR” xüsusi cildinin (Azərb. və rus dillərində) buraxılması nəzərdə tutulmuşdu. 1970 ildə ASE-nin 1-ci cildi çapdan çıxdı, lakin sovet rejiminin tələblərinə cavab vermədiyinə görə kitabın kütləvi nəşri dayandırıldı. Azərb. KP MK-nın 1975 il 24 oktyabr tarixli qərarı ilə ASE-nin nəşrinə yenidən başlanıldı və 1976–87 illərdə ASE-nin 10 cildinin nəşri başa çatdırıldı. “Azərbaycan SSR” xüsusi cildi isə müəyyən səbəblərə görə çap olunmadı.

Azərb. Resp.-nın “ Nəşriyyat işi haqqında” Qanunu (2000) müstəqil Azərb.-ın yeni universal milli ensiklopediyasının nəşri üçün zəmin yaratdı. Azərb. Resp. Prezidentinin “Azərbaycan Milli Ensiklopediyasının nəşri haqqında” 2004 il 12 yanvar tarixli sərəncamında deyildiyi kimi Azərb. xalqının həyatında baş vermiş mühüm ictimai-siyasi, tarixi, elmi və mədəni hadisələri obyektiv şəkildə əks etdirən yeni ensiklopediyanın hazırlanıb latın qrafikasında nəşr edilməsi zərurəti meydana çıxdı.

Azərbaycan Milli Ensiklopediyasının yüksək səviyyədə hazırlanıb nəşr olunmasını təmin etmək üçün Azərb. Resp. Prezidentinin 2004 il 5 may tarixli sərəncamı ilə AMEA-nın “Azərbaycan Milli Ensiklopediyası” Elmi Mərkəzi yaradıldı. 2007 ildə AME-nin “Azərbaycan” xüsusi cildi, 2009 ildə AME-nin 1-ci cildi çap edildi.

Seriyaları

• Azərbaycan // Azərbaycan Milli Ensiklopediyası : ensiklopediya  : [25 cilddə] (tiraj: 50 000; 881 s.). — Bakı: “Azərbaycan Milli Ensiklopediyası” Elmi Mərkəzi, 2007. —Xüsusi  c. — ISBN 978-9952-441-01-7.
• A – Argelander // Azərbaycan Milli Ensiklopediyası : ensiklopediya  : [25 cilddə] (tiraj: 10 000; 608 s.). — Bakı: “Azərbaycan Milli Ensiklopediyası” Elmi Mərkəzi, 2009. —I  c. — ISBN 978-9952-441-02-4.
• Argentina – Babilik // Azərbaycan Milli Ensiklopediyası : ensiklopediya  : [25 cilddə] (tiraj: 10 000; 604 s.). — Bakı: “Azərbaycan Milli Ensiklopediyası” Elmi Mərkəzi, 2010. —II  c. — ISBN 978-9952-441-05-5.
• Babilistan – Bəzirxana // Azərbaycan Milli Ensiklopediyası : ensiklopediya  : [25 cilddə] (tiraj: 25 000; 604 s.). — Bakı: “Azərbaycan Milli Ensiklopediyası” Elmi Mərkəzi, 2011. —III  c. — ISBN 978-9952-441-07-9.
• Bəzirxana – Brünel // Azərbaycan Milli Ensiklopediyası : ensiklopediya  : [25 cilddə] (tiraj: 25 000; 608 s.). — Bakı: “Azərbaycan Milli Ensiklopediyası” Elmi Mərkəzi, 2013. —IV  c. — ISBN 978-9952-441-03-1.
• Brüssel – Çimli-podzol torpaqlar // Azərbaycan Milli Ensiklopediyası : ensiklopediya  : [25 cilddə] (tiraj: 25 000; 592 s.). — Bakı: “Azərbaycan Milli Ensiklopediyası” Elmi Mərkəzi, 2014. —V  c. — ISBN 978-9952-441-10-9.
• Çin – Dərk // Azərbaycan Milli Ensiklopediyası : ensiklopediya  : [25 cilddə] (tiraj: 25 000; 608 s.). — Bakı: “Azərbaycan Milli Ensiklopediyası” Elmi Mərkəzi, 2015. —VI  c. — ISBN 978-9952-441-11-6.
• Dərman – Enoftalm // Azərbaycan Milli Ensiklopediyası : ensiklopediya  : [25 cilddə] (tiraj: 25 000; 608 s.). — Bakı: “Azərbaycan Milli Ensiklopediyası” Elmi Mərkəzi, 2016. —VII  c. — ISBN 978-9952-441-12-3.
• Enollar – Fedin // Azərbaycan Milli Ensiklopediyası : ensiklopediya  : [25 cilddə] (tiraj: 10 000; 600 s.). — Bakı: “Azərbaycan Milli Ensiklopediyası” Elmi Mərkəzi, 2018. —VIII  c. — ISBN 978-9952-441-13-0.
• Fedinq – Gitara // Azərbaycan Milli Ensiklopediyası : ensiklopediya  : [25 cilddə] (tiraj: 10 000; 600 s.). — Bakı: “Azərbaycan Milli Ensiklopediyası” Elmi Mərkəzi, 2019. —IX  c. — ISBN 978-9952-441-17-8.

Həmçinin bax

• Azərbaycan Sovet Ensiklopediyası

Xarici keçidlər

• Azərbaycan Milli Ensiklopediyası
• "İlham Əliyev "Azərbaycan Milli Ensiklopediyası" Elmi Mərkəzinin yeni binasının açılışında iştirak etmişdir" (azərb.). president.az. 2014-05-05. İstifadə tarixi: 2014-10-29.