Zibeydə Yusifbəyova

Zibeydə Yusifbəyova
Zibeydə Yusifbəyova Qurbanəli qızı
Doğum tarixi	1956
Doğum yeri	Şəki şəhəri
Vətəndaşlıq	Azərbaycan
Milliyyəti	azərbaycanlı
Elmi adı	aqrar elmləri üzrə fəlsəfə doktoru.
Təhsili	Azərbaycan Dövlət Universiteti
Atası	Qurbanəli Yusifbəyov

Zibeydə Yusifbəyova Qurbanəli qızı -(d. 1956-cı ildə Şəki şəhəri) aqrar elmləri üzrə fəlsəfə doktoru.

Həyatı

Zibeydə Yusifbəyova 1956-cı ildə Şəki şəhərində anadan olub.1984-cü ildə Azərbaycan Dövlət Universitetinin kimya fakultəsini bitirmişdir.

Elmi fəaliyyəti

• 1973-cü ildə SSRİ Yazıçılar İttifaqının Müəllif Hüquqlarının Müdafiəsi Agentliyinin Azərbaycan bölməsində mühasib, daha sonra inspektor vəzifəsində işləmişdir.

• 1974-1978-ci illər ərzində “Gənclik” nəşriyyatında mühasib olmuşdur.

• 1978-1982-ci illərdə Azərbaycan Milli Elmlər Akademiyasının akademik Həsən Əliyev adına Coğrafiya institutunda mühasib.

• 1982-ci ildən həmin institutun Meşə Torpaqlarının Coğrafiyası şöbəsində laborant, mühəndis, böyük mühəndis, kiçik elmi işçi.

• 1993-cü ildən 1999-cu ilə qədər isə elmi işçi vəzifəsində işləmişdir.

• 1994-cü ildə “Böyük Qafqazın cənub-şərq hissəsinin dağ-meşə torpaqlarında dəmirin formaları və torpaqəmələgəlmə prosesində onların rolu (Azərbaycan Respublikası daxilində)” mövzusunda dissertasiya müdafiə edərək kənd təsərrüfatı elmləri namizədi (indi aqrar elmləri üzrə fəlsəfə doktoru) alimlik dərəcəsi almışdır. Respublika və xarici ölkə mətbuatında 25 elmi məqalə və tezisləri Azərbaycan, Rus və İngilis dillərində çap olunmuşdur.

• 1999-cu ildən Dövlət Gömrük Komitəsinin Mühasibat və uçot şöbəsində baş inspektor.

• 2006-cı ildən isə həmin şöbənin rəisi vəzifəsində işləyir. Gömrük xidməti polkovniki xüsusi rütbəsi daşıyır.

• 2008-ci ildə gömrük orqanlarında səmərəli fəaliyyətinə görə Azərbaycan Respublikası Prezidenti tərəfindən “Dövlət qulluğunda fərqlənməyə görə” medalı və 2009-cu ildə Dövlət Gömrük Komitəsi sədrinin əmri ilə “Gömrük orqanlarında qüsursuz xidmətə” görə III dərəcəli , 2014-cü ildə isə II dərəcəli döş nişanı ilə təltif olunmuşdur.

• 2012-ci ildə Komitə sədrinin əmri ilə “Azərbaycan Respublikası Dövlət Gömrük Komitəsinin 20 illiyi(1992-2012)” yubiley medalı ilə təltif olunub.

Həmçinin bax

• Şamo Mirzəyev

• Rza Mahmudov