Kərim ağa Şəkixanov

Kərim ağa Şəkixanov
Şəkixanov Kərim ağa Fətəli xan oğlu
Kərim ağa Şəkixanovun qəbri üstündəki baş daşı.
Təxəllüsü	Fateh
Doğum tarixi	≈ 1788(1788-Şablondakı doğum və ya ölüm tarixində texniki yanlışlıq var!-00)
Doğum yeri	Nuxa, Şəki xanlığı
Vəfatı	10 dekabr 1858 (70 yaşında)
Vəfat yeri	Nuxa, Nuxa qəzası, Kaspi vilayəti, Rusiya İmperiyası
Dəfn yeri	Xan qəbiristanlığı
Atası	Fətəli xan
Vətəndaşlığı	Şəki xanlığı→ Rusiya İmperiyası

Kərim ağa Şəkixanov – Şəki xan nəslinin davamçılarından biri, Şəki xanlığının tarixinə dair əsərin müəllifidir, həmçinin, “Fateh” təxəllüsü ilə şeirlər də yazıb.

Haqında məlumatlar

1788-ci ildə anadan olub.

Fars və ərəbcə yaxşı savad alıb.

Atası Fətəli xan öz qardaşıə qardaşı (Kərim ağanın əmisi) Məhəmmədhəsən xan tərəfindən kor edilsə də 1805-ci ildə 1 aya yaxın Şəki xanı olmuşdur. Elə həmin vaxt – 1 fevral 1805-ci il tarixdə, oğlu Kərim ağanı girov və təhlükəsizlik məqsədi ilə Şamaxı xanı Mustafa xanın yanına göndərmişdir. 7 il Şamaxıda, Mustafa xanın yanında saxlanılıb.

Kərim ağa 1829-cu ildə Şəki xanlığının tarixinə dair kiçik bir tarix əsəri qələmə alıb. Həmin əsər ilk dəfə 1858-ci ildə Sankt-Peterburqda “Şəki xnalarının ixtisar üzrə tarixi” adı ilə azərbaycan dilində çap edilib.

“Fateh” ədəbi təxəllüsü ilə şeirlər yazıb.

Əl işləri də olub, ağacda oymalar açaraq nəqqaşkarlıq edir, ağacdan biçaqla qışıq yonurdu.

Şəki qəzasında bir neçə kiçik kəndi olub.

1837-ci ilin payızında rus çarı I Nikolay Tiflisə gələrkən, onu qarşılayn müsəlman əsilzadələr arasında olub.

Dindar olub, Tiflis I Nikolaylayla görüşdə, namaz vaxtı məclisi tərk edib.

14 aprel 1853-cü il tarixdə (digər mənbələrdə – maddeyi-tarixlərdə, 1842/1843) Nuxada böyük yanğın baş vermiş, Nuxa bazarı və Birinci Cümə məscidi ilə birlikdə məscid ətrafındakı evlər də yanğına məruz qalmışdır. Yanğından sonra Kərim ağa Şəkixanov Birinci Cümə məscidini bərpa etdirməyə çalışmış, lakin bəzi yerlərini, – minarənin başını, pilləkənlərini və yanğına məruz qalmış digər yerlərini bərpa və təmir etdirməyə onun ömrü çatmamışdır.

Ailəsi

Müxtəlif vaxtlarda 3 arvadla evli olub; 10 övladı doğulub, lakin 5-i sağlığına vəfat edib.

Arvadları

• Birinci arvadı Mollazadələrdən olub, bu arvaddan 7 uşağı doğulub.
• İkinci arvadı əmisi qızı dul Tuti ağa olub, bu arvaddan uşağı olmayıb, boşanıb.
• Üçüncü arvadı öz qaravaşlarından biri olub, bu arvaddan 3 oğlu doğulub, 2-si sağlığında vəfat edib, sonuncu oğlu Məmməd ağa Kərim ağa vəfat edərkən sağ idi və 1 yaşı vardı.

Həmçinin bax

• Şəki Xan qəbiristanlığındakı epiqrafik abidələr.
• Mustafa ağa Şəkixanov

Ədəbiyyat

• Tahirzadə Ə.Ş. Şəkinin tarixi qaynaqlarda. — Bakı: “Master” nəşriyyatı, 2005.
• Məmmədov A.S. Ədalət Tahirzadənin “Şəkinin tarixi qaynaqlarda” kitabı (azərb.) : “İpəkçi” qəzetinin saytı. — 2006.