Kərim ağa Şəkixanov

Kərim ağa Şəkixanov
Şəkixanov Kərim ağa Fətəli xan oğlu
Kərim ağa Şəkixanovun qəbri üstündəki baş daşı.
Təxəllüsü	Fateh
Doğum tarixi	≈ 1788(1788-Şablondakı doğum və ya ölüm tarixində texniki yanlışlıq var!-00)
Doğum yeri	Nuxa, Şəki xanlığı
Vəfatı	10 dekabr 1858 (70 yaşında)
Vəfat yeri	Nuxa, Nuxa qəzası, Kaspi vilayəti, Rusiya İmperiyası
Dəfn yeri	Xan qəbiristanlığı
Atası	Fətəli xan
Vətəndaşlığı	Şəki xanlığı→ Rusiya İmperiyası

Kərim ağa Şəkixanov (1788–1858) — Şəki xan nəslinin davamçılarından biri, Şəki xanlığının tarixinə dair əsərin müəllifi; həmçinin, “Fateh” təxəllüsü ilə şeirlər də yazıb.

Haqında məlumatlar

1788-ci ildə anadan olub.

Fars və ərəbcə yaxşı savad alıb.

Atası Fətəli xan öz qardaşı (Kərim ağanın əmisi) Məhəmmədhəsən xan tərəfindən kor edilsə də 1805-ci ildə 1 aya yaxın Şəki xanı olmuşdur. Elə həmin vaxt – 1 fevral 1805-ci il tarixdə, oğlu Kərim ağanı girov və təhlükəsizlik məqsədi ilə Şamaxı xanı Mustafa xanın yanına göndərib. Kərim ağa 7 il Şamaxıda, Mustafa xanın yanında saxlanılıb.

Kərim ağa 1829-cu ildə Şəki xanlığının tarixinə dair kiçik bir tarix əsəri qələmə alıb. Həmin əsər ilk dəfə 1858-ci ildə Sankt-Peterburqda “Şəki xanlarının ixtisar üzrə tarixi” adı ilə azərbaycan dilində çap edilib.

“Fateh” ədəbi təxəllüsü ilə şeirlər yazırdı.

Əl işləri də olub, ağacda oymalar açaraq naqqaşkarlıq edir, ağacdan bıçaqla qaşıq yonurdu.

Nuxa qəzasında irsi mülkiyyətində olan bir neçə kiçik kəndi vardı.

1837-ci ilin payızında rus çarı I Nikolay Tiflisə gələrkən, onu qarşılamağa dəvət edilmiş müsəlman əsilzadələr arasında olub.

Dindar olub, Tiflisdə – I Nikolayla görüşdə, namaz vaxtı, namaz qılmaq üçün məclisi tərk edib.

1842-ci ildə Mirzə Fətəlinin atalığı Axund Hacı Ələsgərin qızı Tubi xanımı Nuxadan Tiflisə apararaq Mirzə Fətəli ilə evləndirib və onların toyunu edib.

14 aprel 1853-cü il tarixdə (digər mənbələrdə – maddeyi-tarixlərdə, 1842/1843) Nuxada böyük yanğın baş vermiş, Nuxa bazarı, Birinci Cümə məscidi və həmin ətrafdakı evlər yanğına məruz qalmışdır. Yanğından sonra Kərim ağa Şəkixanov Birinci Cümə məscidini bərpa etdirməyə başlamış, lakin bəzi yerlərini, – minarənin başını, pilləkənlərini və yanğına məruz qalmış digər yerlərini bərpa və təmir etdirməyə onun ömrü çatmamışdır.

Vəfatı

10 dekabr 1858-ci il tarixdə – 70 yaşında, vəfat edib. Şəki Xan qəbiristanlığında dəfn edilib.

Ailəsi

Müxtəlif vaxtlarda 3 arvadla evli olub; 10 övladı doğulmuş, lakin 5-i sağlığına vəfat etmişdir.

• Birinci arvadı Mollazadələrdən olub, bu arvaddan 7 uşağı doğulub, 3-ü sağlığında vəfat edib, 4-ü qalıb: Əbdülhəmid ağa, Mustafa ağa, İsmayıl ağa və Cəfər ağa.
• İkinci arvadı əmisi qızı dul Tuti ağa olub, bu arvaddan uşağı olmayıb, boşanıb.
• Üçüncü arvadı öz qarabaşlarından biri olub, bu arvaddan 3 oğlu doğulub, 2-si sağlığında vəfat edib, sonuncu oğlu Məmməd ağa, Kərim ağa vəfat edərkən sağ idi və 1 yaşı vardı.

Ədəbiyyat

1. Tahirzadə Ə.Ş. Şəkinin tarixi qaynaqlarda. — Bakı: “Master” nəşriyyatı, 2005.
2. Məmmədov A.S. Ədalət Tahirzadənin “Şəkinin tarixi qaynaqlarda” kitabı (azərb.) : “İpəkçi” qəzetinin saytı. — 2006.
3. Abdullayev Ə. Kərim Ağa Şəkixanov — Fateh // Şəkinin XVIII-XIX əsr şairləri / Kamil Adışirinov. — Bakı: “Afpoliqraf” mətbəəsi, 2020. — Səhifələrin sayı:  160. — Səh.: 60. — 100 nüsx. — ISBN 978-9952-475-35-7.

Həmçinin bax

• Şəki Xan qəbiristanlığındakı epiqrafik abidələr.
• Mustafa ağa Şəkixanov

Şəkixanovlərin nəsil şəcərəsi

Fətəli xan Məhəmmədhüseyn xan oğlu

Xurşid xanım (qubalı)

Kərim ağanın arvadı (Mollazədələrdən)

Kərim ağa Şəkixanov

Kərim ağanın arvadı (öz qulluqçusu)

Əbdülhəmid ağa

Mustafa ağa Şəkixanov

İsmayıl ağa

Cəfər ağa

Məmməd ağa

Fatma

Hüseyn ağa

Mahiyə Kərim ağa qızı Şəkixanova

Bəhram ağa

Əşrəf aga, Hidayət aga, Əbülfət ağa, Telli və Güllü

Balacaxanım

İsmayıl Alıcanbəyov

Əli (Fətəli) xan, Hacı xan, Cəmil xan

Cəfər Cəfərov

Zeynəb

Qönçə Qazıyeva

Lütfiyyə Mustafayeva

Veysəl Mustafayev

Dilşad

Elşad (qadın)

Məmləkət

Bəhram

Əşrəf

Hidayət

Rahilə

Əbülfət

Rauf və Fərid

Həmid və Namiq