Zibeydə Yusifbəyova

Zibeydə Yusifbəyova
Yusifbəyova Zibeydə Qurbanəli qızı
Zibeydə Yusifbəyova
Zibeydə Yusifbəyova.
Doğum tarixi	1 sentyabr 1956 (1956-09-01)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	Azərbaycan
İş yeri	Azərbaycan Respublikası Dövlət Gömrük Komitəsi, mühasibat və uçot şöbəsi
Elmi dərəcəsi	kənd təsərrüfatı elmləri namizədi
Təhsili	S.M.Kirov adına Azərbaycan Dövlət Universiteti, kimya fakültəsi (–1984)
Atası	Qurbanəli Vahid bəy oğlu Yusifbəyov
Mükafatları
facebook səhifəsi

Zibeydə Yusifbəyova — kənd təsərrüfatı elmləri namizədi, gömrük xidməti polkovniki. Müxtəlif illərdə AMEA akademik H.Ə.Əliyev adına Coğrafiya İnstitutunda elmi işçi, Azərbaycan Respublikası Dövlət Gömrük Komitəsinin mühasibat və uçot şöbəsinin rəisi və s. vəzisələrdə çalışıb. 2017-ci ildən təqaüddədir.

Haqqında məlumatlar

1 sentyabr 1956-cı il tarixdə Nuxada (indiki Şəki) anadan olub.

Təhsili

1963 – 1964-cü illərdə M.Qorki adına Nuxa şəhər 10 №-li məktəbində,

1964 – 1968-ci illərdə Bakı şəhər 53 №-li məktəbində,

1968 – 1973-cü illərdə Bakı şəhər 126 №-li məktəbində təhsil alıb.

1984-cü ildə S.M.Kirov adına Azərbaycan Dövlət Universitetinin kimya fakültəsini bitirib.

Əmək fəaliyyəti

1973-cü ildə SSRİ Yazıçılar İttifaqı Müəllif Hüquqlarının Müdafiəsi Agentliyinin Azərbaycan bölməsində mühasib, daha sonra inspektor,

1974 – 1978-ci illərdə “Gənclik” nəşriyyatında mühasib vəzifəsində çalışıb.

1978 – 1999-cu illərdə Azərbaycan SSR EA Coğrafiya İnstitutunda/AMEA akademik H.Ə.Əliyev adına Coğrafiya İnstitutunda işləyib; o cümlədən,

1978 – 1982-ci illərdə mühasib,

1982 – 1993-cü illərdə meşə torpaqlarının coğrafiyası şöbəsində laborant, mühəndis, böyük mühəndis, kiçik elmi işçi,

1993 – 1999-cu illərdə isə elmi işçi vəzifəsində çalışıb.

1999-cu ildən Azərbaycan Respublikası Dövlət Gömrük Komitəsinin mühasibat və uçot şöbəsində işləyir; o cümlədən,

1999 – 2006-cı illərdə baş inspektor,

2006-cı ildən isə şöbənin rəisi olub.

2017-ci ildən təqaüddədir.

Elmi fəaliyyəti

1994-cü ildə “Böyük Qafqazın cənub-şərq hissəsinin dağ-meşə torpaqlarında dəmirin formaları və torpaqəmələgəlmə prosesində onların rolu (Azərbaycan Respublikası daxilində)” mövzusunda dissertasiyasını müdafiə edərək kənd təsərrüfatı elmləri namizədi elmi dərəcəsi alıb.

Azərbaycan və xarici ölkələrin elmi nəşrlərində azərbaycan, rus və ingilis dillərində 25 məqalə və tezisi çap olunub.

Təltif və mükafatları

• “Dövlət qulluğunda fərqlənməyə görə” medalı (2008);
• III dərəcəli “Gömrük orqanlarında qüsursuz xidmətə” görə döş nişanı (2009);
• II dərəcəli “Gömrük orqanlarında qüsursuz xidmətə” görə döş nişanı (2014);
• “Azərbaycan Respublikası Dövlət Gömrük Komitəsinin 20 illiyi (1992-2012)” Azərbaycan Respublikasının yubiley medalı (2012).

Digər

Atası Şəki bəylərinin, anası isə İlisu sultanlarının nəslindəndir.

Ədəbiyyat

1. Haqverdiyev H.T., Həsənov M .S., Məmmədova E.T. Yusifbəyova Zibeydə Qurbanəli qızı // Azərbaycanın coğrafiyaçı alimləri. — Azərbaycan МЕA akademik H.Ə.Əliyev adına Coğrafiya İnstitutu. — Bakı: Elm, 2013. — Səhifələrin sayı:  204. — Səh.: 196 – 197. — 300 nüsx. — ISBN 978-9952-453-15-7. Arxivləşdirilib; arxivləşdirmə tarixi: 28 Mar 2018 - 30 Jan 2020.