Rafiq Hüseynov

Rafiq Hüseynov
Hüseynov Rafiq Qurban oğlu
Rafiq Hüseynov.
Doğum tarixi	22 oktyabr 1946 (1946-10-22)
Doğum yeri	Nuxa (indiki Şəki), Azərbaycan SSR, SSRİ
Vətəndaşlıq	SSRİ→ Azərbaycan
Elm sahəsi	texnika
Elmi dərəcəsi	texnika elmləri doktoru
Elmi adı	professor
Təhsili	Çingiz İldırım adına Azərbaycan Politexnik İnstitutu, mühəndis-metallurq ixtisası (1963–1968) Moskva Kimya-Maşınqayırma İnstitutu, aspirantura (1971–1974) Zaqavqaziya Marksizm-Leninizm Universiteti (1978-1979)
Mükafatları

Rafiq Hüseynov — texnika elmləri doktoru, Azərbaycan Texniki Universitetinin metalşünaslıq və materiallar texnologiyası kafedrasının professoru, Azərbaycan Respublikasının əməkdar elm xadimi.

Haqqında məlumatlar

22 oktyabr 1946-cı il tarixdə Nuxada (indiki Şəki), ziyalı ailəsində anadan olub.

Təhsili

1953 – 1959-cu illərdə Nuxa şəhər 6 №-li orta məktəbində,

1959 – 1963-cü illərdə Bakı şəhər 201 №-li orta məktəbində,

1963 – 1968-ci ildə Çingiz İldırım adına Azərbaycan Politexnik İnstitutunda (mühəndis-metallurq ixtisası üzrə),

1971 – 1974-cü illərdə Moskva Kimya-Maşınqayırma İnstitutunun aspiranturasında,

1978 – 1979-cu illərdə Zaqavqaziya Marksizm-Leninizm Universitetində təhsil alıb.

1981 – 1982-ci illərdə T.Şevçenko adına Kiyev Dövlət Universitetində fransız dili kurslarını,

1982-ci ildə Fransa Respublikasında fransız dilinin təkmilləşdirilməsi kursunu bitirib.

Əmək fəaliyyəti

1968-ci ildən Novokuznetsk Metallurgiya zavodunda mühəndis, Bakı əlvan metalların emalı zavodunda usta, baş texnoloq, sex rəisi,

1969 – 1971-ci illərdə Ç.İldırım adına Azərbaycan Politexnik İnstitutunda əvvəl laborant, sonra assistent, daha sonra baş müəllim,

1985 – 1988-ci illərdə Əlcəzair Xalq Demokratik Respublikasının Bumerdes şəhərindəki Yüngül Sənaye Universitetində kafedra müdiri,

1996 – 2016-cı illərdə Azərbaycan Texniki Universitetində kafedra müdiri vəzifəsində çalışıb.

İkinci iş yerləri

2007 – 2016-cı illərdə Azərbaycan Respublikası Müdafiə Sənayesi Nazirliyinin «Elm, İnnovasiya və İnformasiya Texnologiyaları» şöbəsinin müdiri olub.

Elmi fəaliyyəti

1975-ci ildə namizədlik dissertasiyasını,

1992-ci ildə hərbi və kosmos sənayesi sahələrində tətbiq olunan xüsusi konstruksiya materiallarının yaradılması mövzusunda doktorluq dissertasiyasını müdafiə edib.

Texnika elmləri doktoru, professordur.

Xəzər dənizində quraşdırılmış və quraşdırılan stasionar platformaların, neft-qaz borularının hazırlanmasında istifadə olunan poladların müəlliflərindən biridir. Çoxsaylı mühəndis, magistr, bakalavrların diplom, buraxılış işlərinə rəhbərlik etmiş, 9 aspirantın elmi rəhbəri və bir neçə elmlər doktoru dissertasiyalarının elmi məsləhətçisi olmuşdur. Hərbi və xüsusi təyinatlı 9 patentin, 12 müəlliflik şəhadətnaməsinin (hamısı SSRİ və RF), 185 elmi məqalələrin, 8 dərsliyin (3-ü fransız dilində xaricdə çap olunub), çoxsaylı dərs vəsaitlərinin, tədris proqramlarının müəllifidir. Onun elmi məqalələrinin əksəriyyəti ABŞ, Fransa, Almaniya, Əlcəzair, Türkiyə, Rusiya, Ukrayna, İran, Avstriya, BƏR və bir sıra digər xarici ölkələrin nüfuzlu elmi jurnallarında çap olunub.

İctimai-siyasi və elmi-ictimai fəaliyyəti

1976 – 1981-ci illərdə Bakı şəhər Oktyabr (indiki Yasamal) rayon və respublika gənc alimlər şurasının sədri olub.

1978-ci ildə Moskvada keçirilmiş ÜİLKGİ-nin XVIII qurultayında Azərbaycanın nümayəndəsi kimi iştirak edib.

1985 – 1988-ci illərdə Əlcəzairin Bumerdes şəhərində işləyərkən həmin şəhərdə çalışan Sovet mütəxəssislərinin partiya komitəsi katibinin müavini olub.

Azərbaycan Respublikasının Müdafiə Nazirliyində və Azərbaycan Texniki Universitetində fəaliyyət göstərən fəlsəfə və elmlər doktorlarının müdafiəsi üzrə xüsusiləşdirilmiş elmi şuraların üzvüdür.

1990-сı ildə Bakı Şəhər Yasamal Rayon Xalq Deputatları Sovetinin deputatı seçilib.

1994-cü ildən «Şəki» Xeyriyyə Cəmiyyətinin sədridir.

Yeni Azərbaycan Partiyasının üzvüdür.

Təltif və mükafatları

• “SSRİ-nin fəxri ixtiraçısı” (rus.: Почетный изобретатель СССР) fəxri adı;
• “Əmək igidliyinə görə” medalı – 2 dəfə;
• Azərbaycan SSR Lenin komsomolu mükafatı;
• “Hacı Zeynalabdin Tağıyev” mükafatı;
• “Dövlət qulluğunda fərqlənməyə görə” medalı – Azərbaycan Respublikasında müdafiə sənayesinin inkişafındakı xidmətinə və dövlət qulluğunda səmərəli fəaliyyətinə görə (15 dekabr 2015);
• “Azərbaycan Respublikasının əməkdar elm xadimi” fəxri adı – Azərbaycan Texniki Universitetinin 70 illiyi münasibətilə Azərbaycanda mühəndis kadrlarının hazırlanması və texniki elmlərin inkişafında xidmətlərinə görə (30 dekabr 2020).

Ailəsi

Evlidir, iki oğlu var. Həyat yoldaşı texnika, bir oğlu hüquq və bir oğlu isə tibb üzrə fəlsəfə doktorudur.

Atası Hüseynov Qurban Zəkəriyyə oğlu isə Şəkinin tanınmış ziyalılarından biri olmuş və uzun müddət Nuxa (Şəki) şəhər-rayon partiya-sovet orqanlarında rəhbər vəzifələrdə çalışmışdır.

Ədəbiyyat

1. Məmmədov Ə., Xalıqov F. Hüseynov Rafiq // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 247 – 249. — 1.000 nüsx.

1. Rafiq müəllim 1969-1971- ci illərdə Pedaqoji Universitetdə yox, Azərbaycan Politexnik İnstitutunda (AzPİ) laborant, baş müəllim vəzifələrində işləyib. 2. 1975-ci ildə Moskvada namizədlik və 1992-ci ildə yenə Moskvada doktorluq dissertasiya-larını müdafiə edib. 3. 1985-1988- ci illərdə Əlcəzairin Bumerdes şəhərində -Yüngül Sənaye İnstitutunda kafedra müdiri və orada çalışan Sovet mütəxəssislərinin partiya təşkilatı katibinin müavini vəzifələ-rində işləmişdir. 4. 1988-ci ildə gənc –istedadlı mütəxəssis kimi SSRİ Elmlər Akademiyasının xüsusi xatirə medalı ilə təltif olunub. 5. 1976-cı ildə Lenin komsomolu mükafatına layiq görülüb. 6. 1978-1979 – cu illərdə Zaqavqaziya Marksizm-Leninizm Universitetində əyani təhsil almış və oranı əla qiymətlərlə bitirmişdir. 7. 1978-ci ildə Moskvada Komsomolun XVIII qurultayının Azərbaycandan nümayəndəsi olmuşdur.

              Hörmətli Məmməd müəllim digər Siz istədiyiniz  sənədlərin   şəkillərini də Sizə     
              göndərirəm.

   Hörmətlə: 
                  t.ü.f.d.,dosent:                                                         Rəna  Hüseynova.