Ceyhun Əhmədxanov

Ceyhun Əhmədxanov
Əhmədxanov Ceyhun Xanlar oğlu
Ceyhun Əhmədxanov.
Doğum tarixi	18 oktyabr 1988(1988-10-18)
Doğum yeri	Lökbatan, Bakı şəhəri, Qaradağ rayonu, Azərbaycan SSR, SSRİ
Vəfat tarixi	30 noyabr 2021 (33 yaşında)
Vəfat yeri	Qaraheybət Aviasiya Poliqonu, Xızı rayonu, Azərbaycan
Dəfn yeri	II Şəhidlər Xiyabanı, Bakı, Azərbaycan
Vəfat səbəbi	aviasiya qəzası
Vətəndaşlıq	Azərbaycan
Mənsubiyyəti	Azərbaycan Ordusu
Atası	Əhmədxanov Xanlar
Anası	Seyidova Rəqiybə
Təhsili	• Azərbaycan Tibb Universiteti, müalicə-profilaktika fakültəsi  • Azərbaycan Respublikasının Prezidenti yanında Dövlət İdarəçilik Akademiyası, dövlət və bələdiyyə idarəetməsi ixtisası (–2021)
Hərbi fəaliyyəti
Qoşun növü	Dövlət Sərhəd Xidməti
Rütbə	kapitan
Vəzifəsi	həkim
Təltifləri

Ceyhun Əhmədxanov (1988–2021) — tibb xidməti kapitanı, Azərbaycan Respublikasının Dövlət Sərhəd Xidmətinin əməkdaşı.

Haqqında məlumatlar

18 oktyabr 1988-ci il tarixdə Qaradağ rayonunun (Bakı şəhəri) Lökbatan qəsəbəsində anadan olub. Əslən Şəki rayonunun Qumux kəndindəndir.

Təhsili

Bakı şəhər 288 saylı orta məktəbini və Azərbaycan Tibb Universitetinin müalicə-profilaktika fakültəsini bitirib.

2021-ci ildə isə Azərbaycan Respublikasının Prezidenti yanında Dövlət İdarəçilik Akademiyasında dövlət və bələdiyyə idarəetməsi ixtisası üzrə (bakalavr pilləsi) ikinci ali təhsilini başa vudub.

Əmək və hərbçi fəaliyyəti

Hərbçi-həkim kimi həqiqi hərbi xidmətdə olduqdan sonra əvvəlcə Azərbaycan Respublikasının Fövqəladə Hallar Nazirliyində, sonra isə Azərbaycan Respublikasının Dövlət Sərhəd Xidmətində həkim işləyib.

Vətən Müharibəsi iştirakçısıdır.

Vəfatı

30 noyabr 2021-ci il tarixdə Xızı rayonu ərazisindəki Qaraheybət Aviasiya Poliqonunda Azərbaycan Respublikası Dövlət Sərhəd Xidmətinin helikopterində təlim uçuşlarında iştirak edərkən helikopterin qəzaya uğraması nəticəsində həlak olub.

1 Dekabr 2021-ci il tarixdə Bakıda II Şəhidlər Xiyabanında dəfn olunub.

Təltif və mükafatları

• III dərəcəli “Hərbi xidmətdə fərqlənməyə görə” medalı

Ədəbiyyat

1. Hadisədən 13 dəqiqə öncə foto paylaşan igidimiz - Ceyhun Əhmədxanovun fotoları : [arx. 02.12.2021] // 7news.az. — 2021. — 30 noyabr. — Müraciət tarixi: 02.12.2021.
2. Qəzadan iki gün sonra nişanı olacaqdı… : [arx. 02.12.2021] // Qafqazinfo.az. — 2021. — 1 dekabr. — Müraciət tarixi: 02.12.2021.