Əfsər Abdullayev

Əfsər Abdullayev
Abdullayev Əfsər Məmməd oğlu
Əfsər Abdullayev, 1990-cı il
Doğum tarixi	17 dekabr 1926(1926-12-17)
Doğum yeri	Nuxa, Şəki qəzası, Azərbaycan SSR, ZSFSR, SSRİ
Vəfat tarixi	6 may 2010 (83 yaşında)
Vəfat yeri	Şəki, Azərbaycan
Vətəndaşlıq	SSRİ→ Azərbaycan
Təhsili	Nuxa İkiillik Müəllimlər İnstitutu (1943 – 1945); Azərbaycan Dövlət Universiteti, (1948 – 1953)

Əfsər Abdullayev (Abdullayev Əfsər Məmməd oğlu; d.  17 dekabr 1926-cı ildə, Nuxa, Şəki qəzası, Azərbabaycan SSR, ZSFSR, SSRİ – ö.  6 may 2010-cu ildə, Şəki, Azərbaycan Respublikası) – dövlət məmuru, Nuxa rayon Kooperativlər İttifaqı İdarə heyətinin sədri, Şəki rayon “Aqrar-sənaye Birliyi”nin təftiş-nəzarət şöbəsinin müdiri, ticarət və kənd təsərrüfatı sahələrində bir sıra digər məsul vəzifələrdə işləmişdir. Ölümündən sonra – 2017-ci ildə ARB Şəki televiziya kanalında “El ağsaqqalı – Əfsər Abdullayev” adlı televiziya filmi nümayiş etdirilib.

Haqqında məlumatlar

1926-cu ildə Nuxada anadan olub.

Nuxa 12 №-li orta məktəbdə və Nuxa İkiillik Müəllimlər İnstitutunda təhsil alıb.

1945 – 1953-cü illərdə Nuxa rayonun kənd məktəblərində və şəhər 11 №-li orta məktəbdə coğrafiya fənnini tədris edib.

1948 – 1953-cü illərdə Azərbaycan Dövlət Universitetində qiyabi təhsil alıb, mühasibat uçotu ixtisasına yiyələnib.

1955 – 1960-cı illərdə Nuxa rayonunun Baltalı, Aşağı Küngüt, Çapağan və Baş Zəyzid kəndlərindəki kolxozlarda mühasib və baş mühasib vəzifələrində çalışıb.

1960-cı ildə Nuxa rayon Kooperativlər İttifaqı müvəkkillər yığıncağında bu qurumun İdarə heyətinin sədri seçilib, 1968-ci ilə qədər həmin vəzifədə işləyib.

1968 – 1977-ci illərdə Qışlaq kənd İstehlak cəmiyyətinin və Şəki rayon İctimai İaşə Birliyinin direktoru olub.

1977 – 2002-ci illərdə Şəki rayon “Aqrar-sənaye Birliyi”/“Aqrokombinat” da mühasib, təftişçi-mühasib və təftiş-nəzarət şöbəsinin müdiri vəzifələrində çalışıb.

2002-ci ildə təqaüdə çıxıb.

2010-cu ildə Şəkidə vəfat edib.

=İctimai fəaliyyəti

Nuxa/Şəki Rayon Xalq Deputatları Sovetinin deputatı olub.

mükafatları

• “Azərittifaq”ın, “Sentrosoyuz”un və Azərbaycan SSR Kənd Təsərrüfatı Nazirliyinin fəxri fərmanları;

“Əla ticarətçi” döş nişanı ( “Sentrosoyuz” un İdarə heyətinin 1966-cı il tarixli qərarı ilə).

Ailəsi

• Həyat yoldaşı: Abdullayeva Lətifə Mustafa qızı (1949 – 1962-ci illərdə), Abdullayeva Firuzə Məmməd qızı (1962-ci ildən sonra)
• Övladları: Vaqif, Nəzakət, Rafiq, Nazim, Sevda, Azər.

Həmçinin, bax:

(Arbtv.az tərəfindən çıkilmiş “El ağsaqqalı – Əfsər Abdullayev” televiziya filmi. Yanvar-2017-ci il)

.

İstifadə edilmiş mənbələr

• Qafar Cəfəroğlu, ”Əfsər kişi-Şəkililərin inandığı və güvəndiyi insan”. “Miras” elmi-kütləvi jurnalı. Mart, 2012.