Sədaqət Qədimova

Sədaqət Qədimova
Qədimova Sədaqət Ənvər qızı
Sədaqət Qədimova
Sədaqət Qədimova.
Anadan olub	3 mart 1956(1956-03-03)
Anadan olduğu yer	Nuxa (indiki Şəki), Azərbaycan SSR, SSRİ
Vəfat edib	12 dekabr 2020 (64 yaşında)
Vəfat etdiyi yer	Modul tipli xəstəxana, Zığ, Azərbaycan
Vəfat səbəbi	Covid19 pandemiyası
Dəfn yeri	Xoçik qəbiristanlığı, Şəki, Azərbaycan
Həyat yoldaşı	Qədimov Azər Mustafa oğlu
Uşaqları	Hidayətzadə Anar, Qədimova Aynur
Atası	Ənvər
Anası	Şəfiqə
Vətəndaşlıq	SSRİ→ Azərbaycan
Təhsili	N.Nərimanov adına Azərbaycan Tibb İnstitutu, müalicə-profilaktika fakültəsi (–1978)

Sədaqət Qədimova (1956–2020) — Şəkidə tanınmış həkim-ginekoloq olmuş şəxs. Uzun müddət Şəki şəhər doğum evində müxtəlif vəzifələrdə çalışmış, bir müddət baş həkimin müavini olmuşdur.

Haqqında məlumatlar

3 mart 1956-cı il tarixdə Nuxada (indiki Şəki) anadan olub.

Atası Ənvər sandıqçı-usta, anası Səfiqə isə pedaqoq idi.

Təhsili

1973-cü ildə Şəki şəhər M.Qorki adına 10 №-li orta məktəbini,

1978-ci ildə isə N.Nərimanov adına Azərbaycan Tibb İnstitutunun müalicə-profilaktika fakültəsini bitirib.

Əmək fəaliyyəti

1978-ci ildən Bakı şəhər Əzizbəyov adına doğum evində həkim-interna olaraq əmək fəaliyyətinə başlayıb.

1979 – 2019-cu illərdə Şəki şəhər doğum evində işləyib; o cümlədən,

1979-cu ildən həkim mama-ginekoloq,

1986-cı ildən qadın məsləhətxanasında həkim,

2007-ci ildən baş həkimin müalicə işləri üzrə müavini,

2010-cu ildən ailə və sağlamlıq şöbəsinin baş həkimi,

2014-cü ildən baş həkimin müavini olub.

2019-cu ildə əmək fəaliyyətini tamamlayıb və təqaüdə çıxıb.

Pedaqoji fəaliyyəti

Şəki Tibb Kollecində mama-ginekologiya fənnindən dərs deyib.

Təltif və mükafatları

Azərbaycan Səhiyyə İşçiləri Həmkarlar İttifaqının “İlin həkimi” diplomu – 2 dəfə.

Vəfatı

12 dekabr 2020-ci il tarixdə – 64 yaşında, Zığ modul tipli xəstəxanasında (Bakı) Covid19 pandemiyasından vəfat edib. Şəkidə Xoçik qəbiristanlığında – qayınatası Mustafa Qədimovun qəbrinin yanında dəfn olunub.