Hikmət Nəbili

Hikmət Nəbili
Nəbili Hikmət Məmməd oğlu
Hikmət Nəbili, 2013-cü il.
Doğum adı	Hikmət Nəbiyev.
Doğum tarixi	20 sentyabr 1957(1957-09-20)
Doğum yeri	Nuxa (indiki Şəki), Azərbaycan SSR, SSRİ
Vətəndaşlığı	SSRİ→ Azərbaycan
Təhsili	Mirzağa Əliyev adına Azərbaycan Dövlət İncəsənət İnstitutu, dram və kino aktyorluğu fakültəsi (1980–1984)
Mükafatları
facebook hesabı

Hikmət Nəbili — Azərbaycan Respublikasının əməkdar mədəniyyət işçisi, Azərbaycan Respublikası Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzinin metodisti. Tanınmış teatr aktyoru və Sabit Rəhman adına Şəki Dövlət Dram Teatrının sabiq direktorudur. Bir neçə filimdə də rol oynamışdır.

Haqqında məlumatlar

20 sentyabr 1957-ci il tarixdə Nuxada (indiki Şəki) anadan olub.

Təhsili

1974-cü ildə Şəki şəhər 12 №-li orta məktəbini bitirib.

1980 — 1984-cü illərdə Mirzağa Əliyev adına Azərbaycan Dövlət İncəsənət İnstitutunun dram və kino aktyorluğu fakültəsində təhsil alıb.

Əmək fəaliyyəti

1975-ci ildə Şəki Dövlət Dram Teatrına kütləvi səhnə aktyoru vəzifəsinə işə götürülüb.

1984-cü ildə ali təhsilini başa vurduqdan sonra yenidən Sabit Rəhman adına Şəki Dövlət Dram Teatrında işləyib və o cümlədən,

2001 – 2017-cı illərdə teatrın direktoru olub.

2017-ci ildən Azərbaycan Respublikası Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzində metodist vəzifəsində çalışır.

Təltif və mükafatları

• Azərbaycan Respublikası Prezidentinin mükafatı (2008);
• “Azərbaycan Respublikasının əməkdar mədəniyyət işçisi” fəxri adı (2013).

Ədəbiyyat

1. Rəhimli İ. Hikmət Nəbiyev // Şəki teatrı. — Bakı: Qanun, 2016. — Səhifələrin sayı:  383. — Səh.: 301-303. — 500 nüsx. — ISBN 978-9952-36-230-5.
2. Azərbaycan Respublikasının teatr xadimlərinə fəxri adların verilməsi haqqında Azərbaycan Respublikası Prezidentinin Sərəncamı : [arx. 30 Jun 2013 - 2 Mar 2021] // Azərbaycan Respublikası Prezidentinin rəsmi internet saytı. — 2013. — 25 iyun. — Müraciət tarixi: 09.09.2021.
3. Axundov İ. Əməkdar mədəniyyət işçisi, aktyor Hikmət Nəbili haqqında // Hürriyyət : qəzet. — 2020. — В. 25–26 avqust. — Səh. 14. Arxivləşdirilib; arxivləşdirmə tarixi: 10 sentyabr 2021.