Vaqif İbrahim

Vaqif İbrahim
İbrahimov Vaqif Əliyar oğlu
Vaqif İbrahim.
Doğum tarixi	30 sentyabr 1945(1945-09-30)
Doğum yeri	Nuxa (indiki Şəki), Azərbaycan SSR, SSRİ
Vəfatı	29 oktyabr 1983 (38 yaşında)
Vəfat yeri	Sumqayıt
Vəfat səbəbi	avtomobil qəzası
Dəfn yeri	Saray qəsəbəsi, Abşeron rayonu
Vətəndaşlığı	SSRİ
Təhsili	M.Əzizbəyov adına Azərbaycan Neft və Kimya İnstitutu (1964–1962)
Mükafatları

Vaqif İbrahim (1945–1983) — tanınmış şair və jurnalist, Azərbaycan SSR Lenin komsomolu mükafatı laureatı, Azərbaycan LKGİ MK-nə üzvü, “Göyərçin” jurnalının məsul katibi.

Haqında məlumatlar

30 sentyabr 1945-cı il tarixdə Nuxada (indiki Şəki) anadan olub.

Təhsili

1952 – 1962-ci illərdə Nuxa şəhər 10 №-li orta məktəbində,

1964 – 1962-ci illərdə M.Əzizbəyov adına Azərbaycan Neft və Kimya İnstitutunda təhsil alıb.

Əmək fəaliyyəti

1968 – 1970-ci illərdə Sumqayıt şəhər radio verilişləri redaksiyasında redaktor,

1971 – 1975-ci illərdə isə məsul redaktor vəzifəsində çalışıb.

1970 – 1971-ci illərdə Əli Kərim adına Sumqayıt gənclik poeziya klubunun sədri,

1975 – 1976-cı illərdə “Ulduz” jurnalı redaksiyasında ədəbi işçi,

1976 – 1983-cü illərdə “Göyərçin” jurnalının məsul katibi olub.

İctimai aktivliyi

1979-cu ildən Azərbaycan Yazıçılar Birliyinin üzvü olub.

1980 – 1983-cü illərdə Azərbaycan LKGİ MK nəzdində gənc yazıçıların respublika ədəbi birliyinə rəhbərlik edib.

Azərbaycan komsomolunun XXX-XXXI qurultaylarının nümayəndəsi olub (XXXI qurultayında Azərbaycan LKGİ MK-nə üzv seçilib).

SSRİ – Bolqarıstan “Drujba” jurnalı redaksiya heyətinin üzvü idi.

Ədəbi yaradıcılığı

7 şeir kitabı sağlığında, nəşrə təqdim etdiyi “Taleyimə yazılanlar” adlı kitabı isə ölümündən sonra çap olunub.

Kitablarının siyahısı (çap olunduğu illər)

1. Bu torpaqda doğulanlar (1970);
2. Ömür balladası (1970);
3. Dünyanın keşiyində (1974);
4. Baykal-Amur magistralında (1975);
5. Mehribanlıq işığı (1981);
6. Vaxtla üz-üzə (1982);
7. Taleyimə yazılanlar (1985).

Təltif və mükafatları

• “Baykal Amur magistralının fəxri inşaatçısı” adı (1975);
• Azərbaycan SSR Lenin komsomolu mükafatı (1976);
• M.Qorki adına Ümumittifaq mükafatı (1978).

Vəfatı

29 oktyabr 1983-cü il tarixdə – 38 yaşında, avtomobil qəzasında həlak olub.

Xatirəsi

M.F.Axundzadə adına Şəki Mədəniyyət Mərkəzinin tabeliyində olan klublardan biri Vaqif İbrahimin adını daşıyır.

Ədəbiyyat

1. Əhmədov T. Azərbaycan yazıçıları XX–XXI yüzillikdə. — Bakı: “Nurlar” Nəşriyyat-Poliqrafiya Mərkəzi, 2011. — Səhifələrin sayı:  1056. — Səh.: 962. — 1.000 nüsx. — ISBN 978-9952-460-06-3. Arxivləşdirilib; arxivləşdirmə tarixi: 28 sentyabr 2021.