Yeganə Axundova

Yeganə Axundova
Şəxsi məlumatlar
Doğum tarixi	22 may 1960 (1960-05-22)
Doğum yeri	Nuxa, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Peşələri	bəstəkar, pianoçu, pedaqoq,
Musiqi aləti	piano
Təhsili	Üzeyir Hacıbəyov adına Azərbaycan Dövlət Konservatoriyası
Mükafatları

Yeganə Əsgər qızı Axundova — Azərbaycan pianoçusu, kompozitor və pedaqoq, Bakı Musiqi Akademiyasının xarici əlaqələr üzrə prorektoru (2005-ci ildən) və professoru (2009-cu ildən), Azərbaycan Respublikasının xalq artisti (2012).

Haqqında məlumatlar

1960-cı ildə Nuxa şəhərində anadan olub.

1983-cü ildə Üzeyir Hacıbəyov adına Azərbaycan Dövlət Konservatoriyasını bitirib. 1984-cü ildən bu təhsil müəssisəsində işləyir. Həmçinin, 1985-cı ildə Pyotr Çaykovski adına Moskva Dövlət Konservatoriyasında əmək təcrübəsi də əldə edib.

Bir çox ölkələrdə (Almaniya, Yunanıstan, İtaliya, Norveç, Türkiyə, Fransa, Avstriya, Polşa, Böyük Britaniya, Rusiya, İspaniya, Macarıstan, Mərakeş, Ruminiya və s.) qastrollarda olub.

Bakı Musiqi Akademiyasında 2003-cü ildən dosent, 2005-ci ildən xarici əlaqələr üzrə prorektor, 2009-cu ildən professordur.

Mükafat və təltifləri

• Bakıda təşkil olunmuş pianoçuların Beynəlxalq Zaqafqaziya Müsabiqəsinin diplomatı (1985);
• “Azərbaycan Respublikasının Əməkdar Artisti” fəxri adı (2006);
• “Humay” Azərbaycan Milli Mükafatı (2007);
• AMEA-nın Yusif Məmmədəliyev adına mükafatı (2007);
• Avropa – Amerika Qadın Konsorsiumunun “Uğurlu qadın” beynəlxalq mükafatı;
• Beynəlxalq “Niaqara qızıl musiqisi” mükafatı (Kanada, Beynəlxalq Niaqara Müsiqi festivalı, 2007);
• “Azərbaycan Respublikasının Xalq Artisti” fəxri adı (2012).

Xarici keçidlər

• Youtube kanalı
• Laulukarussell 2006 - Karoliine Valgepea - Oi Heldeke