Elxan Məmmədov

Elxan Məmmədov
Məmmədov Elxan Səlhab oğlu
Elxan Məmmədov, 2017-ci il.
Anadan olub	18 iyun 1979 (1979-06-18)
Anadan olduğu yer	Bakı, Azərbaycan SSR, SSRİ
Atası	Səlhab Məmmədov
Vətəndaşlıq	SSRİ→ Azərbaycan
Peşəsi	Azərbaycan Futbol Federasiyaları Assosiasiyası (baş katib)
Milliyyəti	azərbaycanlı
İxtisası	futbolun idarəedilməsi
Təhsili	American İnterContinental Universiteti (ing. American InterContinental University, London, Böyük Britaniya, bakalavriatura, 1996 – 1999) Salford Universiteti (ing. University of Salford, Mançester, Böyük Britaniya, 1995–)
Fəaliyyəti	futbol
Mükafatları

Elxan Məmmədov — Azərbaycan Futbol Federasiyaları Assosiasiyasının baş katibi.

Haqqında məlumatlar

18 iyun 1979-cu il tarixdə Bakıda anadan olub.

Təhsili

1986 – 1996-cı illərdə Bakı şəhərində orta məktəbdə oxuyub.

1996-cı ildə American Universitetində (Girnə şəhəri, Şimali Kipr Türk Cümhuriyyəti) ingilis dili kurslarına qatılıb.

1996 – 1999-cu illərdə American İnterContinental Universitetində (London, Böyük Britaniya) təhsil alıb, biznesin idarə olunması və korporativ menecment üzrə bakalavr dərəcəsinə yiyələnib.

1998-ci ildə Westminster Universitetində (İngiltərə) biznesin idarə edilməsi kurslarında iştirak edib.

2011-cı ildən Salford Universitetində (Mançester, Böyük Britaniya) idarəetmə üzrə master dərəcəsi almaq üçün qiyabi təhsil almağa başlayıb.

Əmək fəaliyyəti

1996 – 1997-ci illərdə Bakıda «Bakı Yatırım Ltd.» Azərbaycan – Türkiyə birgə müəssisəsinin locistika şöbəsində müdir müavini vəzifəsində çalışıb.

1999-cu ildən Natavan Biznes Mərkəzinin idarəetmə şirkətində direktor müavini vəzifəsində işləməyə başlayıb və 7 aydan sonra həmin şirkətə direktor təyin olunub.

2007-ci ildən Azərbaycan Futbol Federasiyaları Assosiasiyasının baş katibi vəzifəsində çalışır.

Təltif və mükafatları

• Azərbaycan Respublikası Prezidentinin fəxri diplomu (2017).

Ailəsi

Ailəlidir, üç övladı var.

Atası: Səlhab Məmmədov Azərbaycan Respublikasının xalq rəssamı, Azərbaycan Rəssamlar İttifaqı sədrinin birinci müavini, Azərbaycan Dövlət Rəssamlıq Akademiyasının professoru və beynəlxalq əlaqələr işləri üzrə prorektorudur.

Böyük qardaşı: Emin Məmmədov, Azərbaycan Respublikasının əməkdar incəsənət xadimi, “Azərxalça” Açıq Səhmdar Cəmiyyətinin İdarə Heyətinin sədridir (18 mart 2021-ci il tarixdən). Daha əvvəl Heydər Əliyev Fondunun mədəniyyət və incəsənət məsələləri üzrə müşaviri vəzifəsində çalışmışdır.

Ədəbiyyat

1. "AFFA HAQQINDA / STRUKTUR / BAŞ KATIB". https://www.affa.az/ (azərb.). AFFA. 12 Sep 2017 – 7 Nov 2019 tarixində arxivləşdirilib.