Adil Hacıyev

Adil Hacıyev
Hacıyev Adil Əli oğlu rus.: Гаджиев Адил Али оглы
Adil Hacıyev, 1995-ci il.
Anadan olub	12 iyun 1933(1933-06-12)
Anadan olduğu yer	Nuxa (indiki Şəki), Azərbaycan SSR, ZSFSR, SSRİ
Vəfat edib	18 yanvar 2017 (83 yaşında)
Vəfat etdiyi yer	Moskva, Rusiya
Vətəndaşlıq	SSRİ→ Rusiya
Təhsili	Azərbaycan Politexnik İnstitutu (1951–1955)
Mükafatları

Adil Hacıyev (1933–2017) — tanınmış inşaat mühəndisi; 1958-ci ildən Bakıdakı, 1969-cu ildən sonra isə Moskvadakı tikinti idarələrində müxtəlif vəzifələrdə, o cümlədən rəhbər vəzifələrdə çalışmış, bir sıra orden-medallarla, o cümlədən, «Moskvanın fəxri inşaatçısı» döş nişanı ilə təltif olunmuşdur. 2 dəfə Moskva şəhər sovetinin, 8 dəfə isə Moskva şəhər Voroşilov rayon sovetinin deputatı seçilib.

Haqqında məlumatlar

12 iyun 1933-cü il tarixdə Nuxada (indiki Şəki) anadan olub.

Təhsili

1941 – 1951-ci illərdə Nuxa şəhər M.Qorki adına 10-li orta məktəbində,

1951 – 1955-ci illərdə isə Azərbaycan Politexnik İnstitutunda təhsil alıb.

Əmək fəaliyyəti

1955 – 1957-ci illərdə Lvov şəhərində hərbi xidmətdə olarkən orada SSRİ Müdafiə Nazirliyinin 98 №-li hərbiləşdirilmiş inşaat trestində kiçik mühəndis vəzifəsində işləyib.

1957 – 1969-cu illərdə əvvəl Bakı Dövlət Layihə İnstitutunda (rus.: Бакинский Государственный Проектный Институт (Бакгипрогор)) mühəndis, daha sonra Bakı Baş Tikinti idarəsində mühəndis, sahə rəisi, baş mühəndis və s. vəzifələrdə işləmiş, o cümlədən (Главбакстрой) 1-ci inşaat idarəsinin (Su-1) rəisi olmuşdur.

1969 – 1993-cü illərdə Moskvadakı tikinti idarələrində müxtəlif vəzifələrdə, o cümlədən rəhbər vəzifələrdə işləmiş, uzun müddət “Mosstroy-34” tikinti idarəsinin baş direktoru olmuşdur.

Mükafatları

• Vladimir İliç Leninin anadan olmasının 100 illiyi ilə əlaqədar yubiley medalı, (1970);
• «Moskvanın fəxri inşaatçısı» döş nişanı (1999).
• “Rusiya Həmkarlar İttifaqının 100 illiyi” medalı (2005).

Vəfatı

18 yanvar 2017-ci il tarixdə – 83 yaşında, Moskvada vəfat edib. Moskvada da dəfn olunub.

Ədəbiyyat

1. "О награждении нагрудным знаком "Почетный строитель Москвы"". http://docs.cntd.ru (русский). docs.cntd.ru. 23 Jul 2018 tarixində arxivləşdirilib.