Səlhab Məmmədov

Səlhab Məmmədov
	Məmmədov Səlhab İsa oğlu
	Səlhab Məmmədov
	Səlhab Məmmədov
Doğum tarixi	4 yanvar 1943 (81 yaş)
Doğum yeri	Nuxa, Nuxa rayonu, Azərbaycan SSR, SSRİ
Vətəndaşlığı	Azərbaycan SSR→ SSRİ
Təhsili	Tbilisi Dövlət Rəssamlıq Akademiyası (1962 – 1968)
Elmi adı	professor
Mükafatları	;
Commonsda da Səlhab Məmmədov ilə əlaqəli mediafayllar var

Səlhab Məmmədov (Məmmədov Səlhab İsa oğlu; d. 1 aprel 1943-cü il, Nuxa, Azərbaycan SSR, SSRİ ) — Azərbaycan Respublikasının xalq rəssamı, Azərbaycan Rəssamlar İttifaqı sədrinin birinci müavini. Azərbaycan Dövlət Rəssamlıq Akademiyasının professoru və beynəlxalq əlaqələr işləri üzrə prorektoru.

Haqqında məlumatlar

4 yanvar 1943-cü il tarixdə Nuxada anadan olub.

Təhsili

1962 – 1968-ci illərdə Tbilisi Dövlət Rəssamlıq Akademiyasında təhsil alıb.

Əmək fəaliyyəti

1989-cu ildən M.Əliyev adına Azərbaycan Dövlət İncəsənət İnstitunda/Azərbaycan Dövlət Mədəniyyət və İncəsənət Universitetində pedaqoji fəaliyyətlə məşğul olmuş,

1989 – 1993-cü illərdə müəllim,

1993 – 1999-cu illərdə dosent vəzifəsini tutmuşdur

1999-cu ildən Azərbaycan Dövlət Rəssamlıq Akademiyasının professorudur.

2004-cü ildən Azərbaycan Dövlət Rəssamlıq Akademiyasının beynəlxalq əlaqələr işləri üzrə prorektordur.

Yaradıcı fəaliyyəti

Yaradıcılığında əsas yeri saxsı və metalişləmə pannolar, nəqqaşlıq, qrafika lövhələri, mənsərə əsərləri tutur.

Fəza tutumunu görmək həssaslığına malikdir. Bu və digər xüsusiyyətlərinə görə dəfələrlə, dünyanın bir sıra ölkələrində açılan bədii sərgilərin təşkilatçısı olmuş, baş rəssam və ya dizayner vəzifələrinin icrası üçün dəvət olunmuşdur.

1970-ci ildən Azərbaycan Rəssamlar İttifaqının üzvüdür.

1982 – 1988-ci illərdə Azərbaycan Rəssamlar İttifaqının məsul katibi, 1993-cü ildən Azərbaycan Rəssamlar İttifaqının katibi olub.

“Təsviri incəsənətdə rəsm”, “Rəsm sənəti” kimi elmi əsərlərin müəllifidir.

Yaradıcılığı

Saxsı və metalda işlənən relyef kompozisiyalarından “Xoş gəlmisiniz!” (1969, Panno “İnturist” binasının ön tərəfində);
“İnturist” binasının interyeri üçün hazırlanmış “Şərq motivləri” silsiləsi;
Metalda işlənmiş “Şərq melodiyası”, “İçəri şəhər”, “Qarabağ melodiyaları” kimi pannolar,
“Bakı-Neft şəhəri” mövzusunda bir sıra rəsmlər və vitraj;
“Naxçıvan” mehmanxanasının parlaq vitrajları;
Qobustana həsr edilmiş 16 kompozisiya;
“İçəri şəhər” dekorativ ləyən formasında plastik metal kompozisiya;
Almaniyanın Vuppertal şəhərində özəl kolleksiyada saxlanılan “Dostluq” relyefi;
“Azadlıq rəmzi”;
Berlində (Almaniya) ucaldılmış “Xocalı” abidəsi;
Romada (İtaliya) “Villa Borghese” parkında ucaldılmış Nizami Gəncəvinin abidəsi;
Polşanın Qniezno şəhərində ucaldılmış “Dostluq” abidəsi.

Təltif və mükafatları

“Azərbaycan SSR əməkdar incəsənət xadim” fəxri adı (1988);
“Azərbaycan Respublikasının xalq rəssamı” fəxri adı (2006);
Azərbaycan Respublikası Prezidentinin fərdi təqaüdü (2008);
“Şöhrət” ordeni (2012);
“Şərəf” ordeni (2017);

Ailəsi

Oğlu Elxan Məmmədov AFFA-nın baş katibidir.

Ədəbiyyat

Məmmədov Ə., Xalıqov F. Məmmədov Səlhab // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 277 – 279. — 600 nüsx. — ISBN 5-8066-1708-4.e:Salhab Mammadov

Şablon:Yaxşı məqalə