Adil Qeybulla

Adil Qeybulla
Qeybulla (Qeybullayev) Adil Abülfət oğlu
Adil Qeybulla
Adil Qeybulla, 2020
Doğum tarixi	4 fevral 1962 (1962-02-04)
Doğum yeri	Kiş, Nuxa rayonu, AzSSR, SSRİ
Vətəndaşlıq	SSRİ→ SSRİ
Elm sahəsi	tibb
Elmi dərəcəsi	tibb elmləri doktoru
Elmi adı	professor
Təhsili	N.Nərimanov adına Azərbaycan Dövlət Tibb İnstitutu, müalicə-profilaktika fakültəsi (1978 – 1984)
https://www.facebook.com/profile.php?id=100002782727646

Adil Qeybulla (Qeybulla (Qeybullayev) Adil Abülfət oğlu; d. 4 fevral 1962-ci ildə, Kiş, Nuxa rayonu, Azərbaycan SSR, SSRİ ) – həkim-cərrah, tibb elmləri doktoru, professor, Azərbaycan Tibb Universitetinin tədris cərrahiyyə

Haqqında məlumatlar

4 fevral 1962-ci il tarixdə Nuxa rayonunun Kiş kəndində anadan olub.

Təhsili

1978-ci ildə Kiş kənd orta məktəbini qızıl medalla bitirib.

1978 – 1984-cü illərdə N.Nərimanov adına Azərbaycan Dövlət Tibb İnstitutunun müalicə-profilaktika fakültəsində təhsil alıb; təhsil müddətində Lenin təqaüdçüsü olub.

1984 – 1985-ci illərdə Bakı Şəhər Kliniki Təcili Tibb Yardımı Xəstəxanasında cərrahlıq ixtisası üzrə birillik internatura keçib.

1986-cı ilin oktyabrında cərrahlıq ixtisası üzrə aspiranturaya daxil olub.

Əmək fəaliyyəti

1985 – 1986-cı illərdə M.A.Topçubaşov adına Elmi-Tədqiqat Klinik və Eksperimental Cərrahlıq İnstitutunun (Respublika Cərrahlıq Elmi Mərkəzi – RCEM) mikrocərrahlıq şöbəsində həkim-cərrah vəzifəsində çalışıb.

1988 – 1990-cı illərdə N.Nərimanov adına Azərbaycan Dövlət Tibb II ümumi cərrahlıq kafedrasında işləyib.

1990-cı il fevralında Topçubaşov adına institutun torakal cərrahlıq şöbəsinə elmı işçi vəzifəsinə keçirilib.

1992-ci ilin may – sentyabr aylarında Bakı Travmatologiya və Ortopediya İnstitutunun plastik cərrahlıq və irinli-sümük infeksiyası şöbəsində baş elmi işçi vəzifəsində içalışıb.

1992-ci ilin sentyabrından 2001-ci ilin sonuna qədər Azərbaycan Dövlət Tibb Universitetin cərrahi xəstəliklər kafedrasında professor vəzifəsində çalışıb.

2005-ci ilin yanvar-fevral aylarında Rusiya Federasiyasının Sankt-Peterburq şəhərində Diplomdansonrakı Tibb Təhsili Akademiyasında (MAPO) “Pekonstruktiv, plastik və estetik cərrahlıq” üzrə sikli bitirib. 2005-ci ilin martından sentyabrına kimi «ÖMÜR» özəl-tibb mərkəzində estetik-plastik cərrahlıq şöbəsinə rəhbərlik edib. Daha sonra “Loğmed” özəl klinikanın baş həkimi vəzifəsində çalışıb.

Elmi fəaliyyəti

1988-ci ilin oktyabrında professor V.C.Seyidovun rəhbərliyi ilə vaxtından 1 il əvvəl namizədlik dissertasiyasını müdafiə edib.

Elmi-tədqiqat işinin nəticəsi kimi qida borusunun rekonstruktiv-bərpaedici operasiyaları zamanı operasiyaönü, intraoperasion və operasiyadan sonrakı yaxın dövrlərin aparılmasının yeni üsulunu işləyib hazırlayıb və müəlliflik şəhadətnaməsi alıb. Bu məqsədlə həmin işi davam etdirmək və başa çatdırmaq üçün 1990-cı il fevralında Topçubaşov adına institutun torakal cərrahlıq şöbəsinə elmı işçi vəzifəsinə keçirilib.

1991-ci ilin başlanğıcında həmin iş üzrə fermentlərin başa çatdırılması və doktorluq dissertasiyasının müdafiəsi üçün SSRİ Tibb Elmələri Akademiyasının Ümumittifaq Onkoloji Elmi Mərkəzinin torakal cərrahlıq şöbəsinə elmi ezamiyyətə göndərilib.

1 elmlər namizədi hazırlayıb. Respublikada ilk dəfə onun rəhbərliyi ilə Azərbaycan Neft Akademiyası və Bakı Dövlət Universiteti ilə müştərək tibdə, xüsusilə də cərrahlıqda kibernetik sistemlərin (diaqnostik ekspert sistemləri, fəsadların və ölüm hallarının proqnozlaşdırılmasının riyazi modelləşdirilməsi) öyrənilməsi üçün mütəxəssislər qrupu yaradılıb. Həmin qrupda doktorluq və namizədlik işləri yerinə yetirilir.

120-dən çox çap olunmuş elmi işi var, o cümlədən 5 monoqrafiya, 1 dərs vəsaiti, 1 dərslik, 1 elmi-kütləvi kitab və 10 metodik tövsiyələr və 2 ixtirası var. Dəfələrlə beynəlxalq elmi-tibbi simpoziumlarda, konqresslərdə, qurultaylarda və konfranslarda məruzə ilə çıxış edib.

Digər

2001-ci ildə avtomobil qəzası törətməkdə ittiham edilərək məhkəmə hökmü ilə azadlığı məhdudlaşdırılıb. 2003-cü ilin yanvarında prezident fərmanı ilə əfv olunub.

2010-cu ildə 115 saylı Şəki Kənd İkinci Seçki Dairəsindən Azərbaycan Respublikasının Milli Məclisinə namizədliyini irəli sürmüş, Dairə Seçki Komissiyası onun namizədliyinin qeydə alınmaması barədə qərar qəbul etsə də Mərkəzi Seçki Komissiyası DSK-nın qərarını ləğv etmişdir. Seçkidə iştirak etmək hüququ əldə etsə də seçilməmişdir.

Evlidir, iki övladı var.

Ədəbiyyat

• Məmmədov Ə., Xalıqov F. Qeybullayev Adil Əbülfət oğlu // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 337 – 339. — 1.000 nüsx.
• 113, 114 və 115 saylı Şəki seçki dairələri üzrə 20 nəfərin namizədliyi qeydə alınıb (azərb.) // İpəkçi : qəzet. — Azərbaycan, 2010. — В. 18 oktyabr. — № 9 (2273). — Səh. 1.
• "Bizim həkimlər/T.E.D./Professor Adil Qeybulla T.E.D./Professor Adil Qeybulla". atu-tck.edu.az (azərb.). atu-tck.edu.az. 02 Jul 2017 - 26 Jan 202 tarixində arxivləşdirilib.