Rüfət Xəlilov
Rüfət Xəlilov (1926 – 2018) — Azərbaycan SSR Dövlət Təhlükəsizlik Komitəsi əməkdaşı, əks-kəşfiyyatçı, polkovnik-leytenant.
Rüfət Xəlilov | |
---|---|
Xəlilov Rüfət Qaffar oğlu | |
Rüfət Xəlilov, 2010. | |
Doğum tarixi | 7 mart 1926 |
Doğum yeri | Nuxa, Şəki qəzası, Azərbaycan SSR, ZSFSR, SSRİ |
Vəfat tarixi | 27 may 2018 (92 yaşında) |
Vəfat yeri | Bakı, Azərbaycan |
Təhsili | SSRİ Dövlət Təhlükəsizlik Komitəsinin xüsusi məktəbi (1952 – 1954, Tbilisi) |
Hərbi fəaliyyəti | |
Rütbə | Şablon:SSRİ DTX, podpolkovnik |
Haqqında məlumatlar
7 mart 1926-cı il tarixdə Nuxada anadan olub.
Təhsili
1936 – 1946-cı illərdə Nuxa şəhər 10 №-Li orta məktəbində,
1946 – 1948-ci illərdə Nuxa Kənd Təsərrüfatı Texnikumunbda təhsil alıb.
1954-cü ildə SSRİ Dövlət Təhlükəsizlik Komitəsinin Tbilisidəki xüsusi məktəbini bitirib.
Əmək fəaliyyəti
1952-ci ildə Azərbaycan SSR Dövlət Təhlükəsizlik Komitəsində xidmətə qəbul edilib.
1954 – 1959-cu illərdə Nuxada əməliyyat müvəkkili işləyib.
1959 – 1965-ci illərdə Astarada,
1965 – 1974-cü illərdə isə Azərbaycan SSR Dövlət Təhlükəsizlik Komitəsinin Kirovabad şəhər şöbəsində çalışıb.
1974 – 1983-cü illərdə Azərbaycan SSR DTK-nın Qazax rayon bölməsinə rəhbərlik edib.
1983 – 1986-cı illərdə əmək fəaliyyətini Bakıda, DTK-nin mərkəzi aparatında, əks-kəşfiyyat strukturlarında davam etdirib.
1986-cı ildə hərbi xidmətdə son yaş həddinə çatması ilə əlaqədar polkovnik-leytenant rütbəsində təqaüdə çıxıb.
Təltif və mükafatları
Dövlət təhlükəsizlik orqanlarında çalışdığı müddətdə dəfələrlə mükafatlandırılıb, bir çox medal və qiymətli hədiyyələrlə təltif edilib. O cümlədən, 2016-cı ildə Azərbaycan təhlükəsizlik orqanlarında səmərəli xidməti və anadan olmasının 90 illik yubileyi münasibəti ilə “Milli təhlükəsizlik orqanlarının veteranı” döş nişanı ilə təltif olunub.
Ədəbiyyat
- Məmmədov Ə., Xalıqov F. Xəlilov Rüfət // Şəki: Alim və ziyalılar. — Bakı: “Elm”, 2007. — 2 cilddə. — II cild. — Səhifələrin sayı: 428. — Səh.: 189 – 190. — 600 nüsx. — ISBN 5-8066-1708-4.
- Murad Nəbibəyov (07.03.2016 10:15). "Mərdlik, cəsarət, Vətənə sədaqət və yüksək intellekt onları fərqləndirən mühüm keyfiyyətlərdəndir". http://old.xalqqazeti.com/ (azərb.). Xalq qəzeti. 29 Jul 2020 tarixində arxivləşdirilib.