Ələfsər Məmmədov

Ələfsər Məmmədov
Məmmədov Ələfsər Bəxtiyar oğlu
Ələfsər Məmmədov
Doğum tarixi	4 yanvar 1952(1952-01-04)
Doğum yeri	Oxud, Şəki rayonu, Azərbaycan SSR, SSRİ
Vəfat tarixi	12 yanvar 2021 (69 yaşında)
Vəfat yeri	Bakı, Azərbaycan
Vətəndaşlıq	SSRİ→ Azərbaycan
Elm sahəsi	kimya
İş yeri	AMEA akademik M.F.Nağıyev adına Kimya Problemləri İnstitutu, baş elmi işçi
Elmi dərəcəsi	kimya elmləri doktoru
Elmi adı	professor
Təhsili	V.İ.Lenin adına Azərbaycan Pedaqoji İnstitutu, kimya fakültəsi ( – 1973) Azərbaycan SSR EA Kimya Problemləri İnstitutu, əyani aspirantura (1973 – 1977)

Ələfsər Məmmədov (1952 – 2021) — kimya elmləri doktoru, professor, Şəkinin ensiklopedik şəxslərini əhatə edən bioqrafik məlumatlar toplusunun – “Şəki: Alim və ziyalılar” kitabının həmmüəllifi.

Haqqında məlumatlar

4 yanvar 1952-ci il tarixdə Nuxa rayonunun Oxud kəndində anadan olub.

Təhsili

1969-cu ildə Oxud kənd orta məktəbini,

1973-cü ildə V.İ.Lenin adına Azərbaycan Pedaqoji İnstitutunun kimya fakültəsini bitirib.

1973 – 1977-ci illərdə Azərbaycan SSR EA Kimya Problemləri İnstitutunun əyani aspiranturasında təhsil alıb.

Elmi fəaliyyəti

1980-cı ildə Tbilisi Dövlət Universitetində namizədlik,

1994-cü ildə AMEA Kimya Problemləri İnstitutunda doktorluq dissertasiyasını müdafiə edib.

124 elmi əsəri çap olunub (27-si xarici elmi nəşrlərdə, 18-i beynəlxalq bazalarda referatlaşdırılan və indeksləşdirilən jurnallarda olmaqla).

Əmək fəaliyyəti

2014 – 2021-ci illərdə AMEA akademik M.F.Nağıyev adına Kimya Problemləri İnstitutunda baş elmi işçi vəzifəsində çalışıb.

İkinci iş yerləri

Müxtəlif illərdə Su Təsərrüfatı və Meliorasiya Nazirliyinin Su Problemləri İnstitutunda məsləhətçi,

1998 – 2002-ci illərdə Azərbaycan Memarlıq və İnşaat Universitetində əvəzçiliklə professor,

2011 – 2021-ci illərdə Heydər Əliyev adına Azərbaycan Ali Hərbi Məktəbinin tədris şöbəsində əvəzçiliklə professor vəzifəsində çalışıb.

Digər

Azərbaycan Respublikası Prezidenti Yanında Ali Attestasiya Komissiyasının Kimya ixtisası üzrə ekspert komissiyasının,

Bakı Dövlət Universitetində fəaliyyət göstərən kimya üzrə fəlsəfə və elmlər doktoru üzrə Dissertasiya Şurasının,

AMEA Radiasiya Problemləri İnstitutunda Elmi seminarın,

Neft-Kimya Prosesləri İnstitutunda Elmi seminarın,

AMEA akademik M.F.Nağıyev adına Kimya Problemləri İnstitutunda Elmi seminarın,

Türkdilli Dövlətlərin Siyasətinə Dəstək Fondunun Ziyalılar Şurasının üzvü olub.

Təltif və mükafatları

• Azərbaycan Milli Elmlər Akademiyasının Fəxri fərmanı (2011);
• AMEA İqtisadiyyat İnstitutunun “Fəxri Diplomu” (2011);
• Bakı Dövlət Universitetin Fəxri fərmanı (2012).

Vəfatı

12 yanvar 2021-ci il tarixdə – 69 yaşında, Bakıda vəfat edib.

Ədəbiyyat

• Məmmədov Ə., Xalıqov F. Məmmədov Ələfsər // Şəki: Alim və ziyalılar. — Bakı: Elm, 2007. — 2 cilddə. — II  cild. — Səhifələrin sayı:  428. — Səh.: 259 – 260. — 600 nüsx. — ISBN 5-8066-1708-4.
• "Kataliz və Qeyri-üzvi Kimya İnstitutunun elmlər doktorları/Məmmədov Ələfsər Bəxtiyar oğlu". http://www.science.az/ (azərb.). Azərbaycan Milli Elmlər Akademiyası. 21 oktyabr 2020-ci il tarixində arxivləşdirilib.