Abid Şərifov

Abid Şərifov
Şərifov Abid Qoca oğlu
Abid Şərifov, Şəki 10 saylı məktəbdə, 2007-ci il.
Azərbaycan Respublikasının Baş nazirinin müavini 20 iyul 1995 — 21 aprel 2018
Şəxsi məlumatlar
Doğum tarixi	6 yanvar 1940 (1940-01-06)
Doğum yeri	Nuxa, Nuxa rayonu, Azərbaycan SSR, SSRİ
Təhsili	Çingiz İldırım adına Azərbaycan Politexnik İnstitutu, mülki tikinti fakültəsi (– 1962)
Təltifləri
Commonsda da Abid Şərifov ilə əlaqəli mediafayllar var

Abid Şərifov — tikinti sahəsi üzrə mütəxəssis və dövlət xadimi; 1995 – 2018-ci illərdə Azərbaycan Respublikası baş nazirinin müavini vəzifəsində çalışmışdır.

Haqqında məlumatlar

6 yanvar 1940-cı il tarixdə Nuxada anadan olub.

Təhsili

1957-ci ildə Nuxa şəhər 10 №-li orta məktəbini,

1962-ci ildə isə Çingiz İldırım adına Azərbaycan Politexnik İnstitutunun mülki tikinti fakültəsini bitirib.

Əmək fəaliyyəti

1962-ci ildə Bakı Baş Tikinti İdarəsində iş icraçısı, böyük iş icraçısı, texniki istehsalat şöbəsinin rəisi, baş mühəndis əvəzi,

1972-ci ildən isə 23 saylı tikinti idarəsinin rəisi vəzifəsində işləyib.

Daha sonralar Azərbaycan SSR Nazirlər Sovetinin əsaslı tikinti şöbəsində böyük referent, “Azərnəqliyyattikinti” trestinin rəisi,

1988-ci ildən "Azərnəqliyyatyoltikinti" Layihə-Sənaye Tikinti Birliyinin rəisi,

1991 – 1993-cü illərdə Türkiyədə Çerkesköy – Kapıkulu şəhərləri arasında dəmir yolunu elektrikləşdirən tikinti idarəsi rəisinin müavini,

1993-cü ildən “Azərnəqliyyatyoltikinti” Dövlət Şirkətinin prezidenti,

1995 – 2018-ci illərdə isə Azərbaycan Respublikası baş nazirinin müavini olub.

Ailəsi

Evlidir, 2 övladı var.

Təltif və mükafatları

• “Şərəf Nişanı” ordeni (1976);
• “Oktyabr İnqilabı” ordeni (1980);
• “Şərəf” ordeni (2010);
• “Şöhrət” ordeni (2015);
• Geniş lentli “Gündoğar” ordeni (Yaponiya) – 2016.

Ədəbiyyat

• Məmmədov Ə., Xalıqov F. Şərifov Abid // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I  cild. — Səhifələrin sayı:  582. — Səh.: 525 – 526. — 1.000 nüsx.