İbrahim Tağıyev

İbrahim Tağıyev
	Tağıyev İbrahim Tağı oğlu
	İbrahim Tağıyev.
Anadan olub	1894
Anadan olduğu yer	Öysüzlü kəndi, Qazax qəzası, Yelizavetpol quberniyası, Rusiya İmperiyası
Vəfat edib	13 oktyabr 1937 (43 yaşında)
Vəfat səbəbi	güllələnmə
Mükafatları

İbrahim Tağıyev (1894–1937) — Azərbaycan sovet partiya və dövlət xadimi. Müxtəlif illərdə bir sıra məsul vəzifələrdə çalışmışdır. 1937-ci ildə Stalin repressiyasına məruz qalıb və güllələnib. 1956-ci ildə SSRİ Ali Məhkəməsinin Hərbi Kollegiyasında onun barəsində 1937-ci ildə verilmiş hökm ləğv edilib və cinayət tərkibi olmadığı üçün həmin işə xitam verilib.

Haqqında məlumatlar

1894-cü ildə Qazax qəzasının Öysüzlü kəndində anadan olub.

Təhsili

Heç bir təhsil almayıb, özüöyrənəndir.

Əmək fəaliyyəti

1920 – 1924-ci illər arasında Tovuz qəza soveti icraiyyə komitəsinin sədri, ən geci 1924-cü ilin dekabr ayından ən tezi 21 iyun 1927-ci il tarixədək Azərbaycan K(b)P Nuxa qəza komitəsinin məsul katibi, daha sonra ÜK(b)P Zaqafqaziya vilayət komitəsində kənd təsərrüfatı şöbəsinin rəhbəri,

1929-cu ildən Azərbaycan K(b)P Naxçıvan vilayət komitəsinin məsul katibi vəzifəsində çalışıb.

26 yanvar 1930-cu il tarixdə ZSFSR Mərkəzi İcraiyyə Komitəsinin katibi seçilib. Həmçinin,

1930-cu ildə Azərbaycan K(b)P Gəncə dairə komitəsinin məsul katibi olub.

1931-ci ildən SSRİ Xalq Rabitə Komissarlığının ZSFSR üzrə nümayəndəsi,

1934-cü ildən Azərbaycan K(b)P Gəncə rayon komitəsinin 1-ci katibi,

1937-ci ildə qısa bir müddət Bakı şəhər soveti sədrinin müavini vəzifəsində çalışıb.

Təltif və mükafatları

“Qırmızı Əmək Bayrağı” ordeni (1936).

Həbsi və güllələnməsi

12 oktyabr 1937-ci il tarixdə SSRİ Ali Məhkəməsi Hərbi Kollegiyasının səyyar sessiyası bağlı məhkəmə iclası keçirərək İbrahim Tağıyevi ən ağır cəzaya – güllələnmə cəzasına məhkum edib. 13 oktyabr 1937-ci il tarixdə ölüm hökmü yerinə yetirilib.

Bəraət alması

3 aprel 1956-cı il tarixdə SSRİ Ali Məhkəməsinin Hərbi Kollegiyası tərəfindən bəraət alıb.

Ədəbiyyat

İ.T.Tağıyev // Azərbaycanda Sovet hakimiyyəti uğrunda fəal mübarizlər. — Azərb. KP MK yanında Partiya Tarixi İn-tu, Sov. İKP MK yanında Marksizm-Leninizm İn-tunun Filialı.. — Bakı: Azərnəşr, 1958. — Səhifələrin sayı: 419. — Səh.: 256-257. Arxivləşdirilib; arxivləşdirmə tarixi: 23 aprel 2023.
Тагиев Ибрагим Таги огли : [arx. 13.10.2021] : [rus.] // Сталинские расстрельные списки. — Müraciət tarixi: 13.10.2021.
Тагиев Ибрагим Таги оглы : [arx. 24 Nov 2015 - 31 Aug 2021] : [rus.] // Справочник по истории Коммунистической партии и Советского Союза 1898 - 1991. — Müraciət tarixi: 13.10.2021.