Əsmər İlyasova

Əsmər İlyasova
	İlyasova Əsmər Rəsul qızı
	Əsmər İlyasova.
Anadan olub	14 iyul 1935
Anadan olduğu yer	Nuxa (indiki Şəki), Azərbaycan SSR, ZSFSR, SSRİ
Vəfat edib	8 avqust 2015 (80 yaşında)
Vəfat etdiyi yer	Şəki, Azərbaycan
Həyat yoldaşı	Həmidov Sabir Mustafa oğlu
Uşaqları	bir oğul və iki qız
Vətəndaşlıq	SSRİ→ Azərbaycan
Təhsili	S.M.Kirov adına Azərbaycan Dövlət Universiteti, fizika-riyaziyyat fakültəsi
Mükafatları

Əsmər İlyasova (1935–2015) — tanınmış pedaqoq və fizika-riyaziyyat müəllimi. Uzun müddət Şəki şəhər R.B.Əfəndiyev/M.Qorki adına 10 №-li orta məktəbində fizika fənnindən dərs deyib.

Haqqında məlumatlar

14 iyul 1935-ci il tarixdə Nuxada (indiki Şəki) anadan olub.

Təhsili

S.M.Kirov adına Azərbaycan Dövlət Universitetinin fizika-riyaziyyat fakültəsini bitirib.

Əmək fəaliyyəti

Balakən rayon Kortala kənd məktəbində fizika və riyaziyyat müəllimi (15.08.1959 – 16.09.1960),

Nuxa şəhər internat məktəbində müəllim-tərbiyəçi (10.11.1960 – 27.03.1961),

Azərbaycan SSR Tikinti Sənayesi AzEletromontaj Nuxa şöbəsində ekonomist, kadrlar üzrə inspektor, baş mühəndis (11.04.1961 – 10.09.1962),

Nuxa/Şəki şəhər 2 №-orta məktəbində fizika müəllimi (01.12.1962 – 30.08.1968),

Şəki şəhər M.Qorki adına/R.B.Əfəndiyev adına 10 №-li orta məktəbində fizika fənn müəllimi (30.08.1968 – 01.09.2003),

Şəki Musiqi Texnikumunda fizika fənn müəllimi (02.09.2002 – 15.09.2005).

Təltif və mükafatları

“Baş müəllim” adı (25.08.1987).
“Əmək veteranı” medalı (09.12.1997).

Vəfatı

8 avqust 2015-ci il tarixdə – 80 yaşında, Şəkidə vəfat edib.