Vaqif Şıxəliyev

Vaqif Şıxəliyev
Şıxəliyev Vaqif Məmməd oğlu
Vaqif Şıxəliyev.
Şəxsi məlumatlar
Doğum tarixi	6 sentyabr 1978 (1978-09-06)
Doğum yeri	Şəki, Azərbaycan SSR, SSRİ
Vətəndaşlığı	SSRİ→ Azərbaycan
Peşəsi	xanəndə
Uşaqları	Elcan və Ayan
Atası	Şıxəliyev Məmməd Fərrux oğlu (1956–2012)
Anası	Abdullayeva Zinyət Ziyəddin qızı (1953)
Ləqəbi	Azəristar Vaqif
Səs tembri	lirik-bariton
Fəaliyyət illəri	1993-cü ildən
Albom şirkəti	MusicYes Azərbaycan
Təhsili	• Bakı şəhər Bülbül adına orta ixtisas musiqi məktəbi, xanəndəlik sinfi (1994−1997)  • Üzeyir Hacıbəyov adına Bakı Musiqi Akademiyası, xanəndəlik fakültəsi (1997−2001)
facebook səhifəsi

Vaqif Şıxəliyev — tanınmış estrada müğənnisi, Abşeron rayon Mədəniyyət Mərkəzinin bədii rəhbəri.

Haqqında məlumatlar

6 sentyabr 1978-ci il tarixdə Şəkidə anadan olub.

Təhsili

1985 – 1994-cü illərdə Şəki şəhər 5 №-li orta məktəbində,

1989 − 1994-cü illərdə Şəki şəhər 2 №-li uşaq musiqi məktəbinin xanəndəlik sinfində,

1994 − 1997-ci illərdə Bakı şəhər Bülbül adına orta ixtisas musiqi məktəbinin xanəndəlik sinfində,

1997 − 2001-ci illərdə isə Üzeyir Hacıbəyov adına Bakı Musiqi Akademiyasının xanəndəlik fakültəsində təhsil alıb.

Əmək fəaliyyəti

1999 – 2005-ci illərdə Bakı şəhər Mirzağa Əliyev adına Mədəniyyət Evində xalq çalğı alətləri ansamblının rəhbəri,

2005 – 2014-cü illərdə Rəşid Behbudov adına Azərbaycan Dövlət Mahnı Teatrında 1-ci dərəcəli vokalist-artist,

2014 – 2015-ci illərdə Sumqayıt şəhər Mədəniyyət və Turizm İdarəsində klub metodisti vəzifəsində çalışıb.

2014-cü ildən Abşeron rayon Mədəniyyət Mərkəzinin bədii rəhbəridir.

Sənət uğurları

“Bakı payızı – 2003” gənc estrada ifaçıları müsabiqəsinin,

“Azəri star – 2005” mahnı müsabiqəsinin (“Azeri Star production”un və Space TV-nin birgə layihəsi) laureatı olub.

Ədəbiyyat

1. Mete Ə. Rəşid Behbudov adına Azərbaycan Dövlət Mahnı Teatrının solistləri // O torpağın övladları. — Bakı: Nurlan, 2006. — Səhifələrin sayı:  608. — Səh.: 526. — 500 nüsx.
2. Baxışzadə Ə. Müğənni Vaqif Şıxəliyev öz bioqrafiyası haqqında danışdı : [arx. 19 Jan 2022 - 15 Jun 2022] // Azertimes. — 2016. — 11 oktyabr. — Müraciət tarixi: 15.06.2022.