Fikrət Xalıqov
| Fikrət Xalıqov | |
|---|---|
| Xalıqov Fikrət Ramazan oğlu | |
 | |
| Fikrət Xalıqov, 26 noyabr 2009-cu il | |
| Doğum tarixi | 28 mart 1949 |
| Doğum yeri |
Baş Layısqı, Nuxa rayonu, .svg){kind=small} Azərbaycan SSR,  SSRİ |
| Vətəndaşlıq |
SSRİ→ Azərbaycan |
| İş yeri | Azərbaycan Dövlət Pedaqoji Universiteti, azərbaycan dili və onun tədrisi metodikası kafedrası |
| Elmi dərəcəsi | filologiya elmləri doktoru |
| Elmi adı | professor |
| Təhsili | M.F.Axundov adına Azərbaycan Pedaqoji Dillər İnstitutu, Avropa dilləri fakültəsi, alman və azərbaycan dilləri ixtisası (1966 – 1971) |
| Facebook səhifəsi | |
Fikrət Xalıqov – dilçi, folklorşünas alim, filologiya elmləri doktoru, Azərbaycan Dövlət Pedaqoji Universitetinin azərbaycan dili və onun tədrisi metodikası kafedrasının professoru. 2013-cü ildən Azərbaycan Respublikasının Prezidenti yanında Ali Attestasiya Komissiyasının filologiya elmləri üzrə ekspert şurasının üzvüdür. 2007-ci ildən 2015/2016-cı tədris ilinə kimi Azərbaycan Müəllimlər İnstitutunun azərbaycan dili, ədəbiyyat və onun tədrisi kafedrasının müdiri olub. Şəkinin ensiklopedik şəxslərini əhatə edən bioqrafik məlumatlar toplusunun – “Şəki: Alim və ziyalılar” kitabının həmmüəllifidir.
Haqqında məlumatlar
28 mart 1949-cu il tarixdə Nuxa rayonunun Baş Layısqı kəndində anadan olub.
Təhsili
1966-cı ildə Baş Layısqı orta məktəbini bitirib.
1966 – 1971-ci illərdə M.F.Axundov adına Azərbaycan Pedaqoji Dillər İnstitutunun Avropa dilləri fakültəsinin alman və azərbaycan dilləri ixtisası üzrə təhsil alıb.
Əmək fəaliyyəti
1971 − 1973-cü illərdə Qəbələ rayonunu Mirzəbəyli kənd məktəbində ixtisası üzrə müəllim,
1974-cü ildə Ağdam şəhərində Maarif işçiləri evində müavin,
1975-ci ildə Azərbaycan SSR EA-nın “Xəzər” Elmi Mərkəzində tərcüməçi,
1979 − 1992-ci illərdə Nəsimi adına Dilçilik İnstitutunda kiçik elmi işçi, elmi işçi, şöbə müdiri və s.
1989 − 2003-cü illərdə Çingiz İldırım adına Azərbaycan Politexnik İnstitutunda/Azərbaycan Texniki Universitetində müəllim, dosent vəzifəsində çalışıb.
2003-cü ildən Azərbaycan Müəllimlər İnstitutunun azərbaycan dili, ədəbiyyat və onun tədrisi kafedrasının dosenti,
2007-ci ildən 2015/2016-cı tədris ilinə kimi həmin kafedranın müdiri olmuşdur.
15 sentyabr 2016-cı il tarixindən Azərbaycan Dövlət Pedaqoji Universitetinin azərbaycan dili və onun tədrisi metodikası kafedrasında professor-müəllim kimi fəaliyyət göstərir.
Elmi fəaliyyəti
1984-cü ildə “Mil-Qarabağ düzü toponimiyası (Ağdam, Ağcabədi və Bərdə rayonlarının materialları əsasında)” mövzusunda namizədlik,
2004-cü ildə isə “Azərbaycan dilinin folklor onomastikası” mövzusunda doktorluq dissertasiyasını müdafiə edib.
2011-ci ildə professor elmi adını alıb.
Azərbaycan dilinin tədrisi metodikası sahəsində də tədqiqatlar aparmış və N.Abdullazadə ilə birlikdə 2 cildlik Azərbaycan dili (didaktik materiallar) kitabını nəşr etdirmişdir.
Onun rəhbərliyi ilə filologiya üzrə 4, pedaqoji elmlər üzrə də 4 doktorant tədqiqat işi aparır.
Pedaqoji və elmi ədəbiyyatda Azərbaycan dili, onun tədrisi, dilçiliyin müxtəlif şöbələri ilə əlaqədar 80-dən çox əsəri çap olunub. 10 kitabı işıq üzü görüb.
Kitablar
- Folklor onomastikası (Bakı, 1998);
- Azərbaycan toponimləri (Bakı, 1999);
- Folklor onomastikası (Bakı, 2000);
- Şəki. Tarixi-etnoqrafik oçerklər (həmmüəllif) (Bakı, 2002);
- Elmi işçilər üçün rusca-azərbaycanca danışıq kitabçası (Bakı, 2002);
- Azərbaycan dili (didaktik materiallar), I c. (Bakı, 2006);
- Azərbaycan dili (didaktik materiallar), II c. (Bakı, 2006);
- Şəki. Tarixi-etnoqrafik oçerklər (həmmüəllif) (Bakı, 2007);
- Azərbaycan onomologiyası (Bakı, 2009);
- Nitqdə ifadəlilik yaradan vasitələrin öyrədilməsi (həmmüəllif) (Bakı, 2012).
İctimai fəallığı
1988 – 1990-cı illərdə Nəsimi adına Dilçilik İnstitutunun Həmkarlar komitəsinin sədri olub.
2008 – 2010-cu illərdə AMEA-nın Folklor İnstitutunda,
2010 – 2013-cü illərdə isə Nəsimi adına Dilçilik İnstitutunda dissertasiya şuralarının üzvü olub.
2013-cü ildə Azərbaycan Respublikasının Prezidenti yanında Ali Attestasiya Komisiyasının filologiya elmləri üzrə ekspert şurasının üzvü təyin edilib.
Ədəbiyyat
- Məmmədov Ə., Xalıqov F. Xalıqov Fikrət // Şəki: Alim və ziyalılar. — Bakı: Bakı Universiteti Nəşriyyatı, 2002. — 2 cilddə. — I cild. — Səhifələrin sayı: 582. — Səh.: 256 – 258. — 1.000 nüsx.
- "Fikrət Ramazan oğlu Xalıqov". https://adpu.edu.az/ (azərb.). Azərbaycan Dövlət Pedaqoji Universitetinin rəsmi internet saytı. 21 oktyabr 2020-ci il tarixində arxivləşdirilib.