Azər Yusubov

Azər Yusubov
Yusubov Azər Namiq oğlu
Azər Yusubov.
Anadan olub	9 noyabr 1979 (1979-11-09)
Anadan olduğu yer	Şəki, Azərbaycan SSR, SSRİ
Vətəndaşlıq	SSRİ→ Azərbaycan
Təhsili	• 2000-ci ildə Azərbaycan Beynəlxalq Universiteti, hüquq fakültəsi (1996–2000)  • Azərbaycan Dövlət İqtisad Universiteti, əmtəəşünaslıq fakültəsi, bakalavriat  • Azərbaycan Dövlət İqtisad Universiteti, magistratura (–2009)  • Azərbaycan Respublikasının Prezidenti Yanında Dövlət İdarəçilik Akademiyası, dövlət və bələdiyyə idarəetməsi fakültəsi (2007–2010)
facebook səhifəsi

Azər Yusubov — Azərbaycan Respublikası Mədəniyyət Nazirliyi Şəki Regional Mədəniyyət İdarəsinin rəisi, dövlət qulluğunun kiçik müşaviri.

Haqqında məlumatlar

9 noyabr 1979-cu il tarixdə Şəkidə anadan olub.

Təhsili

1986 – 1996-cı illərdə Şəki şəhər 10 №-li orta məktəbində,

1996 – 2000-ci illərdə Azərbaycan Beynəlxalq Universitetinin hüquq fakültəsində təhsil alıb. Daha sonra isə Azərbaycan Dövlət İqtisad Universitetinin əmtəəşünaslıq fakültəsini bakalavr dərəcəsi üzrə, 2009-cu ildə isə magistr dərəcəsi üzrə bitirib.

2007 – 2010-cu illərdə Azərbaycan Respublikasının Prezidenti Yanında Dövlət İdarəçilik Akademiyasının dövlət və bələdiyyə idarəetməsi fakültəsində təhsil alıb və müdavim dərəcəsini alıb.

Hərbi xidmətdə

2001 – 2002-ci illərdə həqiqi hərbi xidmətdə olub.

Əmək fəaliyyəti

2003 – 2004-cü illərdə “Azərtelekom” MMC-də xəzinədar,

2004 – 2007-ci illərdə Şəki Şəhər İcra Hakimiyyəti başçısı aparatının şəhər təsərrüfatı şöbəsində məsləhətçi və Şəki Şəhər İcra Hakimiyyəti başçının köməkçisi,

2007 – 2022-ci illərdə Şəki Apelyasiya Məhkəməsində sədrin köməkçisi vəzifəsində və digər vəzifələrdə çalışıb.

5 avqust 2022-ci il tarixdən Şəki Regional Mədəniyyət İdarəsinin rəisidir.

Ailəsi

Ailəlidir, 2 övladı var.

Ədəbiyyat

1. Struktur və əməkdaşlar : Yusubov Azər Namiq oğlu : [arx. 09.11.2022] // Azərbaycan Respublikası Mədəniyyət Nazirliyi Şəki Regional Mədəniyyət İdarəsi. — Müraciət tarixi: 09.11.2022.