Arif Abdullazadə

Arif Abdullazadə
Abdullazadə Arif Əbdürrəhman oğlu
Arif Abdullazadə, 1978-ci il
Doğum tarixi	5 aprel 1940(1940-04-05)
Doğum yeri	Nuxa, Nuxa rayonu, Azərbaycan SSR, SSRİ
Vəfatı	31 may 2002 (62 yaşında)
Vəfat yeri	Bakı, Azərbaycan SSR
Dəfn yeri	Şəki,
Atası	Əbdürəhman Məmməd oğlu Abdullayev
Vətəndaşlığı	SSRİ→ Azərbaycan
İxtisası	filoloq
Təhsili	S.M.Kirov adına Azərbaycan Dövlət Universiteti, filologiya fakültəsi (1956 – 1961)
İlk əsəri	“Arzular” şeirlər kitabı (Bakı: Azərnəşr, 1964, 143 səh.)
Elmi dərəcəsi	filologiya elmlər doktoru (1977)
Elmi adı	professor (1996)

Arif Abdullazadə (Abdullazadə Arif Əbdürrəhman oğlu; d. 5 aprel 1940-cı ildə, Nuxa, Nuxa rayonu, Azərbaycan SSR, SSRİ – ö. 31 may 2002-ci ildə, Bakı, Azərbaycan Respublikası) – ədəbiyyatşünas-alim, filologiya elmləri doktoru (1977), professor (1996), şair, nasir, tərcüməçi, 1969-cu ildən Azərbaycan Yazıçılar Birliyinin üzvü, Yazıçılar Birliyinin poeziya bölməsinin sədri.

Haqqında məlumatlar

1940-cı ildə Nuxada anadan olub.

1956-cı ildə Nuxadakı 11 №-li orta məktəbi bitirib.

1956 – 1961-ci illərdə S.M.Kirov adına Azərbaycan Dövlət Universitetinin filologiya fakültəsində təhsil alıb.

İş yerləri

1961 – 1962-ci illərdə Azərbaycan SSR EA Nizami adına Ədəbiyyat Tarixi Muzeyində redaktor-mütəxəssis,

1962 – 1966-cı illərdə Azərbaycan SSR EA Nizami adına Dil və Ədəbiyyat İnstitutunda kiçik elmi,

1966 – 1977-cı illərdə böyük elmi işçi,

1977 – 1993-cü illərdə aparıcı elmi işçi vəzifələrində çalışıb.

1993 – 2002-ci illərdə isə Azərbaycan MEA Nizami adına Dil və Ədəbiyyat İnstitutunun XX əsr ədəbiyyatı şöbəsinin müdiri olub.

Elmi fəaliyyəti

1966-cı ildə akademik Məmməd Arifin rəhbərliyi ilə “Qafur Qantəmirin həyat və yaradıcılığı” mövzusunda namizədlik,

1977-ci ildə “Azərbaycan poeziyasında yaradıcılıq üslubları” mövzusunda doktorluq dissertasiyalarını müdafiə edib.

1996-cı ildə professor elmi adını alıb.

XX əsr Azərbaycan ədəbiyyatının müxtəlif janr və sahələri üzrə 6 monoqrafiya, yüzə qədər elmi və publisistik məqalənin müəllifidir.

Çoxcildlik “Azərbaycan ədəbiyyatı tarixi” kitabının V cildinin məsul redaktoru və əsas müəlliflərindən biri olub.

Poeziyanın müxtəlif problemlərinə həsr etdiyi “Novatorluq və üslub” (Bakı, 1976), “Şairlər və yollar” (Bakı, 1984), “Şair Cəfər Cabbarlı” (Bakı, 1989), “Od nə çəkdi” (Bakı, 1999) monoqrafiyaları çap olunub.

Müxtəlif illərdə forum, simpozium, konfrans və sessiyalarda məruzələrlə çıxış edib.

Çoxsaylı namizədlik dissertasiyalarına rəhbərlik edib, doktorluq dissertasiyalarına elmi məsləhətçi olub və opponentlik edib.

Yaradıcılığı

XX əsr Azərbaycan ədəbiyyatının “60-cı illər nəsli”nə mənsub şairlərdən biri, Azərbaycan Yazıçılar Birliyində poeziya bölməsinin sədri olub.

Çap olunmuş şeir kitabları

1. Arzular, Bakı: Azərnəşr, 1964, 143 səh.
2. Könüllərin dünyası. Bakı: Azərnəşr, 1966, 183 səh.
3. Hər yerdə, hər zaman. Bakı: Azərnəşr, 1969, 72 səh.
4. Ana dünyamız. Bakı: Azərnəşr, 1975, 74 səh.
5. Sevin Azərbaycanı. Bakı: Gənclik, 1979, 104 səh.
6. Всегда и всюду (Moskva, 1976),
7. Səninlə sənsiz. Bakı: Yazıçı, 1983, 136 səh.
8. Свет Абшерона (Mockva, 1986),
9. Bəxtimizin kitabı. Bakı: Yazıçı, 1988, 240 səh.
10. Seçilmiş əsərləri. Bakı: Azərnəşr, 1991, 334 səh.
11. Ulu Qorqud (1999),
12. Tövbə duaları. Bakı:Çaşıoğlu, 2003, 357 səh.

Çap olunmuş romanları

1. Bir ovuc torpaq (roman). Bakı: Gənclik, 1982, 287 səh.
2. Duyum (roman). Bakı: Gənclik, 1986, 336 səh.
3. “Sınaq Kürrəsi” (“Azərbaycan” jurnalı, № 3, 4. 2000.),
4. Qanlı yaddaş. Bakı: Elm və təhsil, 2010, 398 səh.

Çap olunmuş pyesləri

1. “Evlərin axşamları”
2. “Aqillər”

Mükafatları

Rəsul Rza adına mükafat, ədəbi-elmi fəaliyyətinə görə.

Vəfatı

2002-ci ildə 62 yaşında vəfat edib.

Doğulduğu Şəki şəhərində torpağa tapşırılıb.

Adının əbədiləşdirilməsi

2003-cü ildə Şəki şəhər İcra Hakimiyyətinin sərəncamı ilə Şəki şəhərindəki küçələrdən birinə Arif Abdullazadənin adı verilib.