Tahir Həmidli
| Tahir Həmidli | |
|---|---|
| Həmidli Tahir Əhmədiyyə oğlu | |
 | |
| Tahir Həmidli. | |
| Doğum tarixi | 6 yanvar 1953 |
| Doğum yeri |
Nuxa (indiki Şəki), .svg){kind=small} Azərbaycan SSR,  SSRİ |
| Vətəndaşlığı |
SSRİ →  Azərbaycan |
| Təhsili |
• Ə.Əzimzadə adına Azərbaycan Dövlət Rəssamlıq Texnikumunu (1968–1972) • N.Ostrovki adına Daşkənd Teatr və Rəssamlıq İnstitutu, qrafika fakültəsi (1972–1978) |
| Üslub | dekorativ tətbiqi sənət (daş üzərində rəngkarlıq və qrafika) |
| Atası | Həmidov Əhmədiyyə Cəfər oğlu (1910-–975) |
| Anası | Məmmədova Zeynəbxatun Saleh qızı (1924–2011) |
| Uşaqları | İlkin və Əhməd |
| Həyat yoldaşı | Həmidli Səhər Şahid qızı |
| facebook səhifəsi | |
Tahir Həmidli — Azərbaycan Rəssamlar İttifaqı Şəki Təşkilatının sədri, Şəki Dövlət Rəsm Qalereyasının sabiq direktoru, Azərbaycan Dövlət Pedaqoji Universitetinin Şəki filialının sabiq baş müəllimi.
Haqqında məlumatlar
6 yanvar 1953-cü il tarixdə Nuxada (indiki Şəki) anadan olub.
Təhsili
1959 – 1968-ci illərdə Şəki/Nuxa şəhər M.Qorki adınq 10 №-li orta məktəbində,
1968 – 1972-ci illərdə Ə.Əzimzadə adına Azərbaycan Dövlət Rəssamlıq Texnikumununda,
1972 – 1978-ci illərdə isə N.Ostrovki adına Daşkənd Teatr və Rəssamlıq İnstitutunun qrafika fakültəsində təhsil alıb.
Hərbi xidmətdə
1978 – 1980-cı illərdə həqiqi hərbi xidmətdə olub.
Əmək fəaliyyəti
1978-ci ildə Özbəkistan SSR Poliqrafiya və Kitab Ticarəti üzrə Dövlət Komitəsində (Daşkənd) redaktor,
1978 – 1980-cı illərdə Şəki şəhər mədəniyyət şöbəsində rəssam,
1982 – 1997-ci illərdə Şəki Dövlət Rəsm Qalereyasının direktoru,
1993 – 2018-ci illərdə əvvəl M.Ə.Rəsulzadə adına Bakı Dövlət Universitetinin Şəki filialında, sonra Azərbaycan DövlətMüəllimlər İnstitutunun Şəki filialında, daha sonra isə Azərbaycan Dövlət Pedaqoji Universitetinin Şəki filialında baş müəllim vəzifəsində çalışıb.
Təltif və mükafatları
- Şəki Şəhər İcra Hakimiyyətinin Fəxri fərmanı (2019)
Digər
1984-cü ildən Azərbaycan Rəssamlar İttifaqının üzvüdür.
1987-ci ildən Azərbaycan Rəssamlar İttifaqı Şəki Təşkilatının sədridir.
Daş hissələri üzərində rəngli şəkillər çəkən rəsam kimi tanınır. Şəkidə Sülh meydanında “Üç güyüm” kompozisiyanın və Şəki şəhərinin gerbinin layihəsinin müəllifidir.
Azərbaycan Prezidenti İlham Əliyev və birinci xanım Mehriban Əliyeva 2006-cı ildə Şəkiyə səfərləri çərçivəsində yeni bərpa olunmuş Şəki xanlarının sarayı ilə tanışlıq zamanı abidənin həyətində Tahir Həmidlinin 30 daşdan ibarət sərgi-kompozisiyasına baxıblar. Sərgi onların xoşuna gəlib və ali qonaqlar rəssama bu sahədə fəaliyyətini davam etdirməyi tövsiyə ediblər.
Ədəbiyyat
- Məmmədov Ə., Xalıqov F. Həmidli Tahir // Şəki: Alim və ziyalılar. — Bakı: Elm, 2007. — 2 cilddə. — II cild. — Səhifələrin sayı: 428. — Səh.: 166. — 600 nüsx. — ISBN 5-8066-1708-4.
- Dadaşov M. Şəkili rəssam Tahir Həmidli: Bu sənət mənə daşlarla ünsiyyət qurmağı öyrədib : [arx. 26 Mar 2020 - 9 Jun 2020]. — 2019. — 29 mart. — Müraciət tarixi: 20.09.2024.